بەمزوانە ناگەڕینەوە بۆ سەردەمی پێش کۆرۆنا

سەرۆک کۆمار بە وتنی ئەوەی کە ئێمە بەزوویی ناتوانین بگەڕێینەوە سەر دۆخی ئاسایی، وتی: ئەمڕۆ ژیانی ئێمە سنووردارتر بووەتەوە.

بە ڕاپۆرتی ئاژانسی هەواڵی مێهر، حەسەن ڕۆحانی سەرۆک کۆماری ئێران لە کۆبوونەوەی ئەمڕۆی لێژنەی بەرەنگار بوونەوەی کۆرۆنا بە وتنی ئەوەی کە ڤایرۆسی کۆرۆنا هێشتا وەکوو پرسی سەرەکی لە وڵاتە، وتی: ئەو ڤایرۆسە بووەتە هۆی گۆڕانکاری زۆر لە پرسی سیاسی، تەندروستی و فەرهەنگی.

تیشی: کۆرۆنا ڕێسا جیهانییەکان و جیهانی بوونەوەی بردە ژێر پرسیارەوە. زۆربەی یەکێتییە نێودەوڵەتییەکان کە سنوورەکانیان هەلگرتبوو، دیسان سنوورەکانیان دانایەوە.

سەرۆک کۆمار جەختی کرد: ئەمڕۆکە ژیانی ئێمە سنووردارتر بووەتەوە و بەشێکی ژیانمان بووەتە ئینترنتی و خەڵکی ئێران ئەبێ باوەڕ بە ئەمە بکەن. ئێمە بەزوویی ناتوانین بگەڕێینەوە سەر دۆخی ئاسایی.

ڕۆحانی وتیشی: وەزیری تەندروستیش نیگەرانی دەربڕیوە بە هاتوچۆی خەڵک و وتوویە کە ئەبێ مەودای کۆمەڵاتی لەبەرچاو بگیردرێت و میوانی و ڕێوڕەسمەکان کەم ببێتەوە و خەڵک زیاتر سەرەنج بدەنە ڕێنماییە پزیشکییەکان .

ناوبراو بە جەخت لەسەر ئەوەی کە دۆخی ئێستا زۆر سەختتر لە مانگی رەشەممە و خاکەلیوەیە، وتی: لە ئەو کاتەدا تووشبووان بە کۆرۆنا هەر زۆر نیشانەکانی تەنگی هەناسە و کۆکە تێیاندا دەردەکەوت بەڵام ئێستا ئەوە گۆڕاوە و کەسانێک هەن کە تاقیکردنەوەکەیان پۆزەتیڤ دێتەوە کە هیچ نیشانەیەکیان نییە و ئەتوانن هاوکات ئەوە بگوازنەوە بۆ کەسانی دەوروبەریان و بەپێی ئەوەش کە هێشتا دەرمانێکی دڵنیاکەرەوە بۆ ئەو نەخۆشییە نییە چاوەڕوانی دەکرێت خەڵک زیاتر وشیا بن.

News Code 32605

نیشانەکان

بۆچوونی ئێوە

You are replying to: .
  • 6 + 1 =