ڕاگەیێندراوی وەزارەتی دەرەوەی ئێران بۆ ڕۆژی جیهانیی قودس

وەزارەتی دەرەوەی ئێران بە دەرکردنی ڕاگەیێندراوێک بە بۆنەی رۆژی جیهانی قودس، داوای لە هەموو گەلانی موسڵمان و ئازادیخوازی جیهانی کرد کە بڵێسەی ئاگری بەرخۆدان و جیهاد ڕۆشن ڕاگرن.

بە ڕاپۆرتی ئاژانسی هەواڵی مێهر، وەزارەتی دەرەوەی ئێران بە دەرکردنی ڕاگەیێندراوێک بە بۆنەی رۆژی جیهانی قودس، جەختی کرد: داوا لە هەموو گەلانی موسڵمان و ئازادیخوازی جیهانی دەکەین کە بە گوشارخستنە سەر دەوڵەتان و ناوەندگەلی فەرمی و یاسایی نێودەوڵەتی، هانیان بدەن بۆ ڕاپەڕاندنی ئەرکە یاسایی و مرۆییەکان لە پاڵپشتی کردنی مافی خەڵکی فەلەستین، کۆتایی داگیرکاری، وەستاندنی جەنایەتی دڕندانەی زایۆنییەکان و هەڵمەتی دەستدرێژکارانە و ئاژاوەگێڕانەیان لە ناوچە و بڵێسەی ئاگری بەرخۆدان و جیهاد ڕۆشن ڕاگرن.

هەروەها لەو ڕاگەیێندراوەدا هاتووە: ئەوڕۆکە هەموو جیهان و ئازادیخوازانی جیهان دەزانن کە لە ساڵانی ڕابردوودا کە قودس یەخسیری ڕژیمی زایۆنییە و وڵاتی فەلەستینی داگیر کردووە، ڕژیمی ناشەرعی و ساختەی ئیسرائیل دەستی داوەتە هەموو جۆرە جەنایەتێکی جەنگی، مافی مرۆڤی و هەڵاواردنی ڕەگەزی بە پاڵپشتیی دەسەڵاتگەلی گەورە بە تایبەت ویلایەتە یەکگرتووەکانی ئەمریکا لە دژی خەڵکی فەلەستین و کارنامەیەکی ڕەشی پێشێلکاریی مافی مرۆڤی لە خۆی بەجێ هێشتووە. هەروەها شاری بەیتولموقەدەس وەک بەشێک لە خاکی فەلەستین داگیر کردووە و لە پێناو سیاسەتی بە جووکردنی ئەو ناوچانە، هەرچی رۆژە خەریکی کردنەوەی ماڵ و گەڕەکی نوێ و ڕووخاندنی گەرەکە موسڵمان‌نشینەکانی ئەو شارەیە.

وەزارەتی دەرەوەی ئێران بە ئاماژە بە هاوکاتبوونی رۆژی قودسی ئەوساڵ لە گەڵ شەهیدکرانی سپەهبود شەهید حاج قاسم سولەیمانی وەک پاڵپشتی پرسی بەرخۆدانی فەلەستین، جەختی کرد: زەروورەتی بەرەنگاربوونەوەی پیلانی دزێوانەی دەسەڵاتدارانی ئەمریکی و زایۆنی بۆ داڕشتن و ئاراستەی پلانی دزێوی مامەڵەی سەدە و هەوڵی ڕژیمی داگیرکاری قودس لە داگیر کردنی سەرزەوینی زیاتری خاکی فەلەستین، بەرپرسایەتییەکی زیاتر دەخاتە ئەستۆی هەموو ئازادە و گەلان و دەوڵەتانی مافخواز.

ئاماژە بەوەش دراوە: ئەوڕۆکە فەلەستین بەرەوڕووی سێ پرسی جەنایەتی بێ وێنەی ئیسرائیل، بەرخۆدانی بەردەوامی خەڵکی فەلەستین، بێدەنگی و دەستەوەستانیی کۆمەڵگاگەلی نێودەوڵەتی و هەندێک دەوڵەتی رۆژئاوایی و ئیسلامی بۆتەوە.

News Code 32495

نیشانەکان

بۆچوونی ئێوە

You are replying to: .
  • 7 + 4 =