دابەزینی ڕەوتی تووشبوون بە کۆرۆنا لە پارێزگاکانی ئێران

وەزیری ناوخۆ وتی: بە پێی ڕاپۆرتەکان، ڕەوتی تووشبوونی خەڵکی بە نەخۆشیی کۆرۆنا لە زۆربەی پارێزگاکانی ئێران ڕوو لە دابەزینە.

بە ڕاپۆرتی ئاژانسی هەواڵی مێهر، عەبدولڕەزا ڕەحمانی فەزلی لە دانیشتنی کراوەی ئەوڕۆی مەجلیسی شۆڕای ئیسلامی سەبارەت بە هەوڵە ئەنجام دراوەکان بۆ بەرەنگاربوونەوەی نەخۆشیی کۆرۆنا، ڕایگەیاند: وەزیری تەندروستی لە ٣٠ی رێبەندانی ساڵی ڕابردووی هەتاوی سەبارەت بە کۆرۆنا یەکەمین ڕاپۆرتی ئاراستەی دەوڵەت کرد و ئێمە لە ١ی ڕەشەممە بنکەی بەرەنگاربوونەوەی کۆرۆنامان لە وەزارەتی ناوخۆ پێک هێنا و پێڕەونامە و ڕاپۆرتی پێویستمان ئاراستەی سەرۆک کۆمار کرد.

ڕەحمانی فەزلی بە ئاماژە بە قۆناغی قۆناغی نوێی سنووردانانی زیرەک، وتی: بە پێێ ئەو پلانە پیشەکان بە سەر سێ چینی پیشەگەلی پڕمەترسی، کەم مەترسی و بە مەترسیی مامناوەندەوە دابەش دەکرێن و بڕیارە لە ٢٣ی خاکەلێوە پیشەگەلی کەم مەترسی لە هەموو پارێزگاکان (جگە لە تاران) بکرێنەوە و تارانیش لە ٣٠ی خاکەلێوە چالاکییەکانی دەست پێ بکاتەوە.

ناوبراو سەبارەت بە دابەزینی ڕەوتی تووشبوون بە کۆرۆنا لە زۆربەی پارێزگاکان، ڕوونی کردەوە: لە پارێزگای گیلان وەک یەکێک لە پارێزگا قەیراناوییەکانی وڵات بۆ ئیپیدیمیی کۆرۆنا، لە نەورۆزدا رۆژانە ٢٠٠٠ تووشبوومان هەبووە کە لە ئێستادا گەیشتۆتە ٤٠٠ کەس.

News Code 31855

نیشانەکان

بۆچوونی ئێوە

You are replying to: .
  • captcha