بکوژێک کە لە شاری پاوە هەڵاتبوو، دەستگیر کرا

جێگری کۆمەڵایەتی فەرماندەیی پۆلیسی پارێزگای کرماشان لە دەستگیر کرانی بکوژێکی هەڵاتوو لە شاری پاوە و لە کەمتر لە ٧٢ کاتژمێر پاش کوشتنی پیاوێک هەواڵی دا.

بە ڕاپۆرتی ئاژانسی هەواڵی میهر، سەرهەنگ موحەمەد ڕەزا ئاموویی ڕۆژی دووشەممە ڕایگەیاند: پاش ڕوودانی تەقە کە بووە هۆی کوژرانی کەسێک لە یەکێک لە گوندەکانی دەوروبەری پاوە، پۆلیس زوو لە ئەو شوێنە ئامادە بوو.

ناوبراو درێژەی دا: لە لێکۆڵینەوەکاندا دەرکەوت کە پیاوێکی ٥٦ ساڵان لە لایەن یەکێک لە خزمەکانی خۆیانەوە پێکراوە و گیانی لەدەست داوە و بکوژەکە هەڵاتووە.

سەرهەنگ ئاموویی وتیشی: پۆلیسی ئینتزامی پاوە لێکۆڵینەوەی بەربڵاوی بۆ دەستگیر کردنی ئەو بکوژە دەست پێکرد و لە کەمتر لە ٧٢ کاتژمێر پاش ڕوودانی کوشتنەکە توانی، ئەو کەسە لە کێوە سەختەکانی پاوە بدۆزێتەوە.

ناوبراو ڕاشیگەیاند: کەسە دەستگیر کراوەکە پاش لێپرسینەوەی سەرەتایی دانی بە کوشتنی ئەو کەسە داناوە و هۆکاری ئەو کارەی کێشەی بنەماڵەیی و پاش شەڕە قسە لە گەڵ کوژراوەکە وەسف کرد.

News Code 29783

نیشانەکان

بۆچوونی ئێوە

You are replying to: .
  • 5 + 1 =