هەولێر و بەغدا لە سەر هەناردەی نەوت ڕێککەوتن/ پشکی هەرێم لە بودجە دەدرێت

پەرلەمانتاری كورد لەپەرلەمانی عێراق دەڵێت: لەبەرانبەر ڕادەستكردنی ۲۵۰ هەزار بەرمیل نەوتی رۆژانە بە كۆمپانیای سۆمۆ، حكومەتی فیدراڵی عێراق پشكی هەرێم و مووچەی فەرمانبەران دەنێرێت.

بە ڕاپۆرتی ئاژانسی هەواڵی مێهر، دیار بەرواری لەلێدوانێكی رۆژنامەوانیدا وتوویەتی "شاندەكانی بەغدا و هەرێم چەندین سەردان و كۆبوونەوەیان لەپێناو گەیشتن بەرێككەوتنێك ئەنجامدا بۆ ئەوەی بەتەواوەتی ناكۆكییەكان چارەسەربكەن، وەك پشكی هەرێم لە بودجە و مووچەی فەرمانبەران، لەبەرانبەردا هەرێم پابەندبوونە نەوتییەكانی جێبەجێ بكات".

وتیشی :"سەردانی شاندی هەرێم بۆ بەغدا بەرهەمەكەی ئەو رێككەوتنە بوو كە كرا، حكوومەتی بەغدا پابەند دەبێت بە ناردنی پشكی هەرێم لە بودجە و مووچەی فەرمانبەران، لەبەرانبەریشدا هەرێم رۆژانە ۲۵۰ هەزار بەرمیل نەوت رادەستی كۆمپانیای سۆمۆ دەكات، ئەوەش لە ساڵی داهاتووەوە دەست پێدەكات".

باسی لەوەشكردوە، رێككەوتنەكە دەستكەوتێكی ئیجابی و گرنگە بۆ حكوومەتی هەرێم و لەلایەكی دیكەوە بۆ وەزارەتی نەوت و دارایی حكوومەتی عێراق، چونكە كێشەیەكی گرنگ چارەسەركرا، كە كاریگەری لەسەر تێپەڕاندنی بودجەی ساڵی ۲۰۲۰ هەیە.

News Code 29533

نیشانەکان

بۆچوونی ئێوە

You are replying to: .
  • 1 + 9 =