٣٢٠ ملیار تمەن بۆ تەواو کردنی ڕێگای ئاسنی سنە تەرخان کراوە

سەرۆکی ڕێکخراوی بەرنامە و بوودجەی وڵات وتی: بۆ ئەوەی کە پڕۆژەی ڕێگای ئاسنی سنە تا کۆتایی ساڵی داهاتوو تەواو ببێت زیاتر لە ٣٢٠ ملیار تمەن تا ئەمڕۆ بۆ ئەو پڕۆژە تەرخان کراوە.

بە ڕاپۆرتی ئاژانسی هەواڵی مێهر، موحەمەد باقر نەوبەخت سەرلەبەیانی ئەمڕۆ سێشممە لە کاتی هاتنی بۆ پارێزگای کوردستان لە فڕۆکەخانەی سنە ڕایگەیاند: یەکێک لە یەکمایەتییەکانی ئەم سەفەرە چێ کردنی سێ هەزار یەکەی نیشتەجی بۆ کەسانێکە کە پێویستیانە کە هەزار یەکەی لە ڕێگای کەمیتەی ئیمداد و دوو هەزار یەکەشی لە ڕێگای بنیاتی خانووبەرەوە ئەنجام دەبێت.

ناوبراو زیادی کرد: ڕێگای ئاسنی هەمەدان-سنە پرسێکی گرینگی ترە کە لە ئەو سەفەرە شوێنی دەگیردرێت و بۆ ئەوەی کە سنە پێوەند بدرێتە ڕێگای ئاسنی سەرتاسەری وڵاتەوە ئەبێ سەرەتا لە پارێزگاکانی درواسێ بکێشرێت کە لە باکوورەوە ڕێگای ئاسنی ورمێ، لە باشوورەوە ڕێگای ئاسنی کرماشان و لە بەشی ناوەندیش ڕێگای ئاستنی هەمەدان ئامادە بووە و بە زوویی ڕێگای ئاسنی سنەش پێوەندی دەدرێرێتە ئەو ڕێگاوە.

نەوبەخت زیادی کرد: دەوڵەت بڕیاری داوە تا ١٤٠ کیلۆمەتری ڕێگای ئاسنی هەمەدان-سنە بە شێوەی جیدی شوێنگیری بکات و وا بڕیاری لە سەر دراوە کە تا ساڵی داهاتوو ئەو پڕۆژە کۆتایی بێت و زیاتر لە ٣٢٠ ملیار تمەن بۆ ڕێگای ئاسنی سنە تەرخان کراوە.

شیاوی باسە کە ناوبراو هاوڕێ لەگەڵ پارێزگاری کوردستان سەردانی ڕێگای ملەی سەڵواتاوای کرد و هەروەها بڕیارە لە دانانی بەردی بناغەی یەکەی نیشتەجێی بۆ کەسانێک کە پێویستیانە لە شاری دێولان و قوروە بەشداری بکات و پاشان سەردانی بەنداوی سیازاخی دیواندەرە و ئازادی سنە بکات.

News Code 29309

نیشانەکان

بۆچوونی ئێوە

You are replying to: .
  • 7 + 5 =