دیمەشق پاساوی تورکیا بۆ هێرشکردنە سەر سووریای قبووڵ نییە

نوێنەری هەمیشەیی سووریا لە ڕێکخراوی نەتەوە یەکگرتووەکان جەختی کرد کە دیمەشق هەوڵی تورکیا بۆ پاساوی هەڵمەتی دەستدرێژکارانەی لە دژی سووریا بە هەر بیانوویەک قبووڵ ناکات.

بە ڕاپۆرتی ئاژانسی هەواڵی مێهر بە گێڕانەوە لە سانا، نوێنەری هەمیشەیی سووریا لە ڕێکخراوی نەتەوە یەکگرتووەکان جەختی کرد کە هێرشی تورکیا بۆ سەر سووریا پێشێل کردنی ئاشکرای جارنامەی ڕێکخراوی نەتەوە یەکگرتووەکان و بڕیارنامەی ئەنجومەنی ئاسایش و ڕێککەوتنەکانی ئاستانە و ئەنجامی کۆنفڕانسی سووچییە.

جەعفەری لە دانیشتنی ئەنجومەنی ئاسایش ڕایگەیاند کە دەستدرێژیی تورکیا بۆتە هۆی داگیرکرانی بەشێک لە سەرزەوینی سووریا و کوژران و برینداربوونی سەدان کەس لە هاووڵاتیان و هەڵاتن و ئاوارەبوونی هەزاران کەس و زیان گەیشتن بە ژێرخانەکان و لەوان قوتابخانەکان، نەخۆشخانەکان، وزەخانەگەلی کارەبا، بەنداوەکان و هتد.

ناوبراو هەروەها ئاماژەی بەوەش دا کە پاگەندەی تورکیا بۆ پاساو دەستدرێژیی بۆ سەر خاکی سووریا نیشاندەری دۆخی شیزۆفێرنیی ئەو ڕژیمەیە و ڕاشیگەیاند: سووریا بە توندی ئەو دەستدرێژییە ئیدانە دەکات و هەوڵی ئەردۆغان بۆ پاساوی هەڵمەتی دەستدرێژانەی بە هەر بیانوویەک ڕەت دەکاتەوە.

وتیشی: تورکیا دەیان هەزار تیرۆریستی بیانی هێناوەتە ناو خاکی سووریا و پڕ چەکی کردوون و نەوت و ئاسەوارە کۆنینەکان و گەنم و کارخانەکانی سووریا بە تاڵان دەبات.

News Code 29027

نیشانەکان

بۆچوونی ئێوە

You are replying to: .
  • 5 + 9 =