شەڕی هەسەدە و سوپای تورکیا لە سەرێ کانی

سەرچاوەگەلی سووریا لە پەلاماری قورس و کوشەندەی هێزەکانی سووریا دیموکراتیک بۆ سەر سوپای تورکیا و ملیشیاکانی سەر بە ئەنقەرە لە ناوچەی سەرێ کانی هەواڵیان دا.

بە ڕاپۆرتی ئاژانسی هەواڵی مێهر بە گێڕانەوە لە "رای الیوم"، چاودێری مافی مرۆڤ لە سووریا ئەوڕۆ (سێ شەممە) ڕایگەیاند کە هێزەکانی سووریای دیموکراتیک (هەسەدە) لە ناوچەی سەرێ کانی پەلاماری قورس و کوشەندەیان کردە سەر سوپای تورکیا و ملیشیاکانی سەر بە ئەنقەرە.

ڕامی عەبدولڕەحمان بەڕێوەبەری ناوەندی چاودێری مافی مرۆڤی سووریا لەوباریەوە ڕایگەیاند: هێزەکانی هەسەدە شەوی ڕابردوو لە سەرێ کانی پەلامارێکی قورس و کوشەندەیان کردە سەر هێزەکانی سوپای تورکیا و ملیشیاکانی سەر بەو وڵاتە و توانیویانە گوندی تەلحەلەف لە بندەستی داگیرکەران وەرگرنەوە.

ناوبراو بە ئاماژە بە بەردەوامبوونی شەڕ و پێکدادنەکان لە هاوێری سریکانی و چەقبەستنی ملیشیاکانی تورکیا لەو شەڕەدا، ڕاشیگەیاند: هۆکاری خۆڕاگریی هێزەکانی سووریای دیموکراتیک لە سریکانی دەگەڕێتەوە بۆ ژێرخانە قایم و تونێلەکانی ئەوان لەو ناوچەیە و هەروەها گەیشتنی شەڕڤان و هێزی یارمەتی بەوان.

ناوەندی چاودێری مافی مرۆڤی سووریا هەروەها لە کوژرانی ٧٠ خەڵکی سڤیل و ١٣٥ هێزی هەسەدە و لە بەرامبەردا کوژرانی ١٢٠ هێزی ملیشیای سەر بە ئەنقەرە لە دەسپێکی ئەم شەڕە لە باکووری رۆژهەڵاتی سووریا لە چوارشەممەی ڕابردووەوە هەواڵی دا. لەمناوە تورکیا کوژرانی ٤ هێزی سەربازی خۆی لەو شەڕەدا پشت‌ڕاست کردۆتەوە.

ئەو ناوەندە هەروەها ئاماژەی بە پێکدادانی پەرتەوازەی نێوان هیزەکانی ئەنجومەنی سەربازیی مەنبەجی سەر بە هێزەکانی سووریای دیموکراتیک و ملیشیاکانی سەر بە ئەنقەرە لە مەنبەج و هاوێری باکووری رۆژهەڵاتی حەلەب کردووە.

News Code 28914

نیشانەکان

بۆچوونی ئێوە

You are replying to: .
  • 3 + 0 =