کاردانەوەی وڵاتانی عەرەبی بە هێرشی تورکیا بۆ سەر کوردی سووریا

وڵاتانی ئیمارات و کوەیت هێرشی تورکیا بۆ سەر سووریایان ئیدانە کرد و هەروەها دوو سێناتۆری کۆنگرەی ئەمریکا ڕۆژی چوارشەممە گەڵاڵەی گشتی خۆیان بۆ سەپاندنی گەمارۆ لە سەر تورکیا ڕادەست کردووە.

بە ڕاپۆرتی ئاژانسی هەواڵی مێهر لە ڕۆیتێرز، وڵاتی ئیمارات هێرشی تورکیا بۆ سەر باکووری سووریای هەڕەشەیەک لە سەر ئاسایش و سەقامگیری ناوچەکە وەسف کرد و وڵاتی کوەیتیش ئەو هێرشەی بە توندی ئیدانە کرد.

لەو پێوەندییەدا وڵاتی کوەیت بەیاننامەیەکی دەرکردووە و تێیدا هاتووە: ئەو دەستدرێژییە سەربازییە مەترسیدارە و دەست درێژیەکی قبووڵ نەکراو دژی سەرەوەریی وڵاتێکی عەرەب لە پێشێل کرانی یاسا نێودەوڵەتییەکانە.

لە درێژەی ناڕەزایەتییەکان بە ئەو هێرشە، لیندسی گراهام سێناتۆری کۆماریخوازی ئەمریکا و سێناتۆر کریس فەن هۆلن لە پارتی دیمۆکرات ڕۆژی چوارشەممە گەڵاڵەیەکی گشتی لە گەمارۆ پێشنیارییەکانی خۆیانیان دژی تورکیا پێشکەشی کۆنگرە کرد.

شیاوی باسە پێشتریش وڵاتی ئیماراتی یەکگرتووی عەرەبی و بەحرەینیش ناڕەزایەتی خۆیانیان بە ئەو هێرشە ڕاگەیاندبوو.

News Code 28808

نیشانەکان

بۆچوونی ئێوە

You are replying to: .
  • 4 + 1 =