پووران درەخشەندە بووە داوەری فێستیڤاڵی فیلمی سلێمانی

بە گوێرەی ڕاگەیاندنی نووسینگەی چوارەمین فێستیڤاڵی نێونەتەوەیی فیلمی سلێمانی، پوران درخشنده وەک داوەری بەشی ڕکابەریی سەرەکی سینەمای جیهان لەو فێستیڤاڵە دیاری کرا.

بە ڕاپۆرتی ئاژانسی هەواڵی مێهر، ستافی لیژنەی داوەریی بەشی ڕکابەریی سەرەکی "سینەمای جیهان" لە چوارەمین خولی فێستیڤاڵی نێونەتەوەیی فیلمی سلێمانی لە هەرێمی کوردستان لە لایەن پەیوەندییە گشتییەکانی ئەم فێستیڤاڵە ڕاگەیێندرا.

بە گوێرەی ئەو ڕاگەیاندنە ستافی لیژنەی داوەریی بەشی ڕکابەریی سەرەکی "سینەمای جیهان" بریتین لە: هێنز هێرمانس بەڕێوەبەری فێستیڤاڵەکانی فیلمی CEO  و کورتە فیلمی بەرلینا لە وڵاتی ئەڵمانیا (سەرۆکی لیژنەی داوەران)، پووران درەخشەندە سناریست و دەرهێنەری خەڵکی کرماشان، ئادریان بیلچ دەرهێنەری بەرپرسی فیلم‌هەڵگری و بەرهەم هێنەری لە ئەمریکا، یووهانی ئالنێن بەڕیوەبەری جێبەجێکاری فێستیڤاڵی نێونەتەوەیی فیلمی تەمپرە لە فەنلاند و زولفیه ئاکولاک بەڕێوەبەری فیلم و میدیا لە ئاڵمانیا.

شایانی باسە، چوارەمین خولی فێستیڤاڵی نێونەتەوەیی فیلمی سلێمانی لە رۆژانی ٩ تا ١٥ی ڕەزبەر (١ تا ٧ی ئاکتەوبری ٢٠١٩) لە پێنج هۆڵی سیتی سینەما، سینەما ساڵم، ئەمنە سوور و تەلاری هونەری شاری سلێمانی بەڕێوە دەچێت.

هەروەها لە بەشی ڕکابەریی سەرەکی "سینەمای جیهان" لەم خولەی فێستیڤاڵی سلێمانی ١١ فیلم لە وڵاتانی جۆراجۆری وەک فەڕەنسا، ئێران، کۆریای باشوور، چین ، ئیسپانیا، لۆگزامبۆرگ، تورکیا، ئەڵمانیا، هولەندا، یۆنان، سووریا، ئاڵبانی، پۆڵاندا، بەلژیکا و فەلەستین بۆ بردنەوەی خەڵاتی ئەو بەشە پێکەوە ڕکابەری دەکەن.

News Code 28621

نیشانەکان

بۆچوونی ئێوە

You are replying to: .
  • 8 + 6 =