وردەکاریی نوێی ڕووداوەکەی کەربەلا

پەرلەمانتارێکی پارێزگای کەربەلا هەندێک وردەکاریی نوێی لە ڕووداوەکەی ڕێوڕەسمی "ڕەکزە تویرەج"ی کەربەلا ئاراستە کرد.

بە ڕاپۆرتی ئاژانسی هەواڵی مێهر بە گێڕانەوە لە "النهرین"، حسێن یەساری پەرلەمانتارێکی پارێزگای کەربەلا بە ئاماژە بە وردەکاریی نوێیەکان لە ڕووداوەکەی ڕێوڕەسمی "ڕەکزە تویرەج"ی کەربەلا وتی: ئەو قەرەباڵغەی لە بابولڕەجا لە مزاری پیرۆزی ئیمام حسێن (دخ)دا ساز بوو، بە ئانقەست نەبووە و ئەوی دوترێت کە هوشداری تەقینەوەی پشتوێنەی تەقینەوەیی هۆکاری قەرەباڵغی و خنکان بووە، بێ بنەمایە.

یەساری جەختی کرد: هۆکاری ڕووداوەکە کەوتنی زیارەتکارێک لە ڕەکزە تویرەج بووە کە بۆتە هۆی کەوتنی بە دوایەکی کەسانی دیکە، بە تایبەت حەڕەمی پیرۆز زیاتر لە دوو مەتر لە ئاستی زەوی نزمترە و ئەوانی ڕوو لە تویرەج دەکەن بە خێرایی زیاتر هەڵدێن و وەستاندنیان زۆر دژوارە.

وتیشی: بێ گومان ئەگەر لەو کاتەدا دەرگا دانەدەخرا ژماری شەهیدان و بریندارانی ئەو ڕووداوە زۆر زیاتر دەبوو.

شایانی باسە لە ڕووداوی قەرەباڵغیی بابولڕەجای حەڕەمی پیرۆزی ئیمام حسێن (دخ)، ٣١ زیارەتکار شەهید و ١٠٢ زیارەتکاری دیکە بریندار بوونە.

News Code 28312

نیشانەکان

بۆچوونی ئێوە

You are replying to: .
  • 2 + 6 =