دانوستان لە گەڵ ئەمریکا لە دۆخی گەمارۆدا بۆ ئێران بێ مانایە

سەرۆک کۆمار بە پەیوەندی تەلەفونی لە گەڵ هاوتای فەڕەنسیی خۆی جەختی کرد: دانوستان لە گەڵ ئەمریکا لە دۆخی گەمارۆدا بۆ دەوڵەت و مەجلیس و گەلی ئێران بێ مانایە.

بە ڕاپۆرتی ئاژانسی هەواڵی مێهر بە گێرانەوە لە ماڵپەڕی ڕاگەیاندنی سەرۆک کۆمای، حوجەتولئیسلام حەسەن ڕۆحانی، رۆژی ڕابردوو (چوارشەممە) لە پەیوەندی تەلەفونی لە گەڵ ئیمانوئێل ماکرۆن سەرۆک کۆماری فەڕەنسا، ڕایگەیاند: ئەگەر ڕێککەوتنەکە لەگەڵ ئەورووپادا یەکلایی بێتەوە، ئێران ئامادەیە بگەڕێتەوە بۆ بەڵێنە بەرجامییەکانی و کۆبوونەوەی ئێران و پێنج کۆ یەکیش تەنیا کاتێک  مومکینە کە بایکۆتەکان ھەڵگیرێن.

ڕۆحانی بە ئاماژە بە کشانەوەی نایاسایی ئەمریکا لە ڕێککەوتنی بەرجام وەک ڕێککەوتنێکی چەندتوێژی نێونەتەوەیی، جەختی کرد: دانوستان لەگەڵ ئەمریکا لە ھەلومەرج بو دۆخی گەمارۆدا، لە ڕوانگەی دەوڵەت و مەجلیس و گەلی ئێران ھیچ ماناو واتایەکی نییە.

سەرۆک کۆمار لە درێژەدا وێڕای نرخاندنی ھەوڵەکانی سەرۆک کۆماری فەڕەنسا، تیشکی خستە سەر ھەنگاوی سێھەمی ئێران لە ئاراستەی کەم کردنەوەی بەڵێنە بەرجامییەکانی و وتی: ھەنگاوی سێھەم لە ژێر چاودێریی ناوەندی نێودەوڵەتیی وزەی ناڤۆکیدا بەڕێوە دەچێت و بەو پێیە ئیمکانی گەڕانەوەی بۆ هەیە.

ناوبراو ھەروەھا تۆکمە کردنی ڕێککەوتنی بەرجام و  دابین کرانی ئاسایشی ڕێگائاوییەکانی جیھان و لەوان کەنداوی فارس و دەریای عومانی وەک دوو ئامانجی گەورەی ئێران لێکدایەوە و ئەو دوو هەنگاوەی بە سوودی جیھان و لەوان یەکێتی ئەورووپا و تەنانەت ئەمریکاش زانی.

ڕۆحانی بە بیرهێنانەوەی ئەوەی کە ڕێککەوتنی بەرجام دەرفەتێکی گەورە بوو بۆ ھەموو لایەک ھەتا لە ئابووریی ڕوو لە گەشەی ئێراندا بەشدار بن و سەرمایە بنێنەوە، وتیشی: یەکێتی ئەورووپا و بە تایبەت فەڕەنسا پێویستە ڕۆڵێکی بەرچاو بگێڕة لە پێناو پاراستنی بەرجام.

لە درێژەی ئەو پەیوەندییەدا، سەرۆک کۆماری فەڕەنساش وێڕای ڕوون کردنەوەی ھەنگاو و دانوستانگەلی چڕوپڕی وڵاتەکەی لە گەڵ بەرپرسانی ئەمریکی سەبارەت بە پاکێجی پێشنیارکراوی ڕێککەوتنەکان، وتی: فەڕەنسا لە سەر ھەوڵەکانی بۆ ڕاپەڕاندنی بڕگەکانی ڕێککەوتنی بەرجام و گەیشتن بە لێک تێگەیشتنێکی یەکجاری بەردەوام دەبێت.

ماکرۆن ھەروەھا ھەوڵ و پلانەکانی داھاتووی وڵاتەکەی بۆ بەردەوامیی دانوستان و تێگەیشتنی یەکجاریی شی کردەوە و وەک سەرۆک کۆماری ئێران خوازیاری درێژەدان بە گفتوگۆکان بوو.

News Code 28310

نیشانەکان

بۆچوونی ئێوە

You are replying to: .
  • 3 + 9 =