ڕێبەری: بە هەموو تواناوە بەرەنگاریی پیلانی سعوودییە و ئیمارات بۆ دابەش کردنی یەمەن ببنەوە

ڕێبەری باڵای شۆڕشی ئیسلامی ئێران لە دیدار لەگەڵ وتەبێژی بزووتنەوەی ئەنساروڵڵای یەمەن جەختیان کرد: بە هەموو تواناوە لە بەرانبەر پیلانی سعوودی و ئیماراتیەکان بۆ دابەش کردنی یەمەن بوەستن.

بە ڕاپۆرتی ئاژانسی هەواڵی مێهر, ئێوارەی ئەمڕۆ سێ شەمە وتەبێژی ئەنساروڵای یەمەن و وەفدێکی هاوڕێی چوونە دیداری ڕێبەری باڵای ئێران.

ڕێبەری شۆڕش لەم دیدارەدا بە ڕێزگرتن لە ئیمان, خۆڕاگری, زیرەکی و ڕۆحی جەهادی خەڵکی یەمەن لە بەرانبەر دەستدرێژیەکی دڕندانە و بەربڵاو, جەختیان کرد: هەر گەلێکی ئیماندار کە بڕوای بە خوای گەورە ببێت , بێ گومان سەردەکەوێت و هەر بۆیە بە دڵنیاییەوە سەرکەوتن بۆ گەلی ستەم لێکراوی یەمەن دەبێت.

ئایەتوڵڵا خامنەیی جەختیان کرد:سعوودی و ئیماراتییهکان و پشتیوانەکانیان جەنایەتی گەورەیان لە یەمەن کرد, بێ گومان ئەنجامیان شکستە.
وتیشیان: ئەوان بەدوای دابەش کردنی یەمەنن کە دەبێ بە هەموو تواناوە بەر بەم پیلانە بگیردرێت و پشتگیری لە یەکپارچەیی یەمەن بکرێت.

ئەوەشیان وت کە پاراستنی یەکپارچەیی یەمەن بە لەبەرچاو گرتنی عەقیدەی ئایینی و ئیتنیکە جۆراوجۆر لەم وڵاتە پێویستی بە گفتۆگۆی یەمەنی - یەمەنیە.
ڕێبەری ئاماژەیان بە جەنایەتەکانی سعوودی و هاوپەیمانەکانی لە یەمەن بە تایبەتی لە ڕۆژی جەژنی قوربان کرد و زیادیان کرد: 
ئەمە ڕاستی جیهان و پاگەندە کەرانی مافی مرۆڤە.

ڕێبەری ئاماژەیان بە کەمتەر خەمیی جیهانی ئیسلام لە بەرانبەر جەنایەتەکانی یەمەن و فەلەستین کرد و وتیان : دەبێ بە هێزی ئیمان و بەرخۆدان و پشت بەستن بە نەسەرەتی خوایی, بەرەو ڕووی هێزە جەنایەتکارەکان ببینەوە.

News Code 27875

نیشانەکان

بۆچوونی ئێوە

You are replying to: .
  • 2 + 1 =