پەیوەندی عێراق لە گەڵ کەشتیە ڕاگیراوەکەی کەنداوی فارس ڕەتکرایەوە

وتەبێژی وەزارەتی نەوتی عێراق ڕەتیكردەوە عێراق هیچ پەیوەندیەكی بەو كەشتیە نەوتهەڵگرەوە هەبێت كە لە لایەن سوپای پاسدارانی ئێرانەوە دەستگیركراوە.

بە ڕاپۆرتی ئاژانسی هەواڵی مێهر،عاسم جیهاد، وتەبێژی وەزارەتی نەوتی عێراق لەمیانی لێدوانێكی رۆژنامەوانیدا رایگەیاند: "عێراق هیچ پەیوەندیەكی بەو كەشتیە نەوتهەڵگرەوە نیە كە ڕۆژی یەكشەممە لە لایەن ئێرانەوە ڕاگیراوە".

ئاماژەی بەوەشكرد: "وەزارەتی نەوتی عێراق زەیتی گاز هەناردەی بازارەكانی جیهان ناكات و بەپێی رێكارە نێودەوڵەتیەكان، تەنها بەرهەمی نەوتی خاو و بەرهەمە نەوتیەكانی دیكە هەناردەی دەرەوە دەكات".

وتیشی: "ئەو كەشتیەی دەستی بەسەردا گیراوە یەكێكە لەو كەشتیە بچووكانەی کە وەزارەتی نەوت لە رێكارەكانی فرۆشتنی نەوت و بەرهەمەكانی نەوت كاریان پێناكات و لە ئێستاشدا لایەنە پەیوەندیدارەكان لەوباریەوە لە لێكۆڵینەوەدان".

وتەكانی وتەبێژی وەزارەتی نەوتی عێراق پاش ئەوە بوو کە هەندێ سەرچاوەی هەواڵی بڵاویان کردەوە "ئەو كەشتیە نەوتهەڵگرەی یەكشەممە دەستیبەسەرداگیراوە، كەشتیەكی عێراقیە".

News Code 27759

نیشانەکان

بۆچوونی ئێوە

You are replying to: .
  • 2 + 5 =