دزەکردنی ڕێکخراوی هەواڵگریی عێراق لە ناو گرووپی داعش

سەرۆکی گرووپی هەواڵگریی سەقوری عێراق لە دزە کردنی ئەو گرووپە بۆ ناو گرووپی تیرۆریستی داعش و کوشتنی چەندین سەرکردەی داعش لەو رێگەوە هەواڵی دا.

بە ڕاپۆرتی ئاژانسی هەواڵی مێهر بە گێرانەوە لە رۆژنامەی "الصباح"ی عێراق، ئەبوو عەلی بەسری سەرۆکی گرووپی هەواڵگریی سەقوری عێراق وتی: گرووپی سەقور توانیویە دزە بکاتە ناو گرووپی تیرۆریستیی داعش و لەو رێگەوە کۆمەڵێک لە رێبەرانی باڵای ئەو گرووپە بکوژێت و ئەو پلانە بۆتە هۆی ڕووخان و دووبەرەکی لە ناو ڕیزەکانی ئەو گرووپەدا.

ناوبراو بە ئاماژە بە پەرەسەندنی چالاکیی بنکەی ژنانی داعش بۆ هێرشی خۆکوژانە، وتیشی: مەترسیی ئەو ژنانە بەردەوامە. داعش هەندێک لە ئەندامانی سووریای خۆی بەر لە ڕووخانی حکوومەتی عومەر بەشیر ڕەوانەی سوودان کردووە و هەندێکی دیکەشی ناردووە بۆ وڵاتانی سوڤیەت و ئەندونزیا و ڕەنگە دواتر بۆ شوێنی ئامانج دەگوازرێنەوە.

سەرۆکی گرووپی هەواڵگریی سەقوری عێراق سەبارەت بە هەک کردنی زانیارییەکانی داعش و دزە کردنی ئەندامانی گرووپەکەی بۆ ناو داعش، ڕوونی کردەوە: ئێمە توانیمان هێز و ئەندامێکی زۆر بترێنجێنینە ناو ڕیزەکانی داعش و لە ماوەی سێ ساڵی ڕابردوو لە رێگەی ئەو ئەندامانەوە ژمارێک لە گرینگترین کەسایەتییە ئەو گرووپە تەکفیری و تیرۆریستییە لە ناو ببەین کە بریتین لە:

- عەلی حسێن سەجاد حەسناوی، بەرپرسی دۆسیەی عێراق لە داعش و جێگری ئەبووبەکر بەغدادی.

- ئەبوو یەحیا عێراقی، جێگری ئەبووبەکر بەغدادی.

- مەلا حەمیدی جەغیفی، بەرپرسی شەرعی داعش.

- عەلی خەلیفه (ئەبوو سەلام کوردی)، وەزیر جەنگی داعش.

- عەبدولغەنی عێراقی، والی عێراق و جێگرەکەی که ساڵی ۲۰۱۸ لە دانیشتنێک لە گەڵ ئەبوو‌بەکر بەغدادی لە سووریا کوژران.

- عەبدولڕەحمان عەفری، بەرپرسی کۆمیتەی داعش کە لە سووریا کوژرا.

- مەروان ئیبراهیم تەها عەزاوی (ئەبووئۆنس سامەرایی)، والی فورات.

- ئەبوو عەبدولڕەحمان تەمیمی، هاووڵاتی عەرەبستان و بەرپرسی شەرعی داعش کە لە ناوچەی سووسەی سووریا کوژرا.

- ئەبوو سەباح عەزاوی، پۆستچی و نامەبەری داعش.

شایانی باسە، پێشتریش فازل ئەبوو ڕەغیب لە بەرپرسانی ئەمنیی عێراق لە تویتێکدا ڕایگەیاندبوو کە ڕێکخراوی هەواڵگریی عێراق لە ئۆپەراسیۆنی ئەرمەلە بەیزادا توانیوه دزە بکاتە ناو پاشماوەکانی داعش و وەزیری نەوتی ئەو گرووپە تیرۆریستییە بە ناوی سابت تورکی ناسراو بە ئەبوو ئێحسان وەک یەکێک لە گەورەترین بەرپرسانی دارایی داعش دەستگیر بکات.

News Code 27755

نیشانەکان

بۆچوونی ئێوە

You are replying to: .
  • 3 + 15 =