ناردنی ٦ وەجبە یارمەتی خەڵکی کوردستان بۆ ناوچە لافاولێدراوەکان

کارگێڕی مانگی سووری کوردستان وتی: ئەمساڵ شەش وەجبە یارمەتی خەڵکی پارێزگای کوردستان تا ئێستا بۆ ناوچە لافاولێدراوەکان نێردراوە.

بە ڕاپۆرتی ئاژانسی هەواڵی مێهر، موحەمەد باقر موحەمەدی ڕایگەیاند: ڕۆژی ڕابردوو شەشەمین کاروانی یارمەتی خەڵکی کوردستان بریتی لە ٤ هەزار و ٧٧ گاڵۆن ئاو لە لایەن ٢ بارهەڵگرەوە نێردرایە ناوچە لافاولێدراوەکانی خووزستان.

ناوبراو زیادی کرد: خەڵکی کوردستان بە بەشداری لە کۆکردنەوەی  یارمەتییە مرۆڤدۆستانەکان سەلماندیان کە  پشتی هاووڵاتیە لافاولێدراوەکان بەر نادەن و تا کاتێک کە دۆخەکە ئاسایی نەبێتەوە هەوڵی خۆیان دەدەن بۆ یارمەتیدانی ئەو خەڵکە.

ناوبراو وتیشی: تا ئێستا شەش وەجبە یارمەتی خەڵکی کوردستان نێردراوەتە ناوچە لافاولێدراوەکان کە یەکەم کاروان بۆ گوڵستان، کاروانەکانی دووهەم، سێهەم و پێنجەم بەرەو لوڕستان و چوارەمین و شەشەمین کاروانیش بەرەو پارێزگای خووزستان نێردراوە.

News Code 26828

نیشانەکان

بۆچوونی ئێوە

You are replying to: .
  • 2 + 14 =