هەماهەنگی ئێران، عێراق و سووریا بۆ لێکدانەوەی پڕۆژەی ڕێگای ئاسن

وەزارەتی گواستنەوەی عێراق وێڕای جەخت لە سەر پێویست بوونی تۆکمە کردنەوەی پێوەندی دوو لایەنە لە گەڵ سووریا، لە هەماهەنگی دوو وڵاتەکە و ئێران بۆ گفتوگۆ سەبارەت بە پێوەندی ڕێگای ئاسنی نێوانیان هەواڵی دا.

بە ڕاپۆرتی ئاژانسی هەواڵی مێهر لە سومریە نیوز، تالب حسێنی، بەرپرسی گشتی کۆمپانیای نەتەوەیی ڕێگای ئاسنی عێراق شەوی هەینی لە پەراوێزی کۆبوونەوەی هاوبەشی نێوان وڵاتەکەی و سووریا لە دیمەشق بەیانییەیەکی دەرکرد کە تێیدا هاتووە: بە پێی فەرمانی عەبدوڵڵا لەعیبی، وەزیری گواستنەوەی عێراق لە پێوەندی لە گرینگایەتی پێوەندی ڕیگای ئاسن لە گەڵ سووریا لە ڕێگای عەکاشات-تنف-خنفیس، لایەنە عێراقی، ئێرانی و سوورییەکان خەریکی هەماهەنگی بۆ بەرێوە چوونی کۆبوونەوەیەکی سێ قۆڵی بۆ لێک دانەوەی ئەگەری بەڕێوە بردنی گەڵاڵەی پێوەندی ڕێگای ئاسنی نێوان سێ وڵاتەکەن.

حسێنی لە بەیانییەکەدا هێناویە: ئەو کارە لە درێژەی تەواو کردنی ڕێککەوتنەکانی نێوان عێراق و سووریا لە مانگی ژووییەی ساڵی ٢٠١٤ ی زایینییە کە لە ئەو کاتەدا لە سەر هەوڵ بۆ تۆکمە کردنەوەی پێوەندییەکانی نێوان دوو وڵاتەکە لە بواری ئابووری، بازرگانی، زانستی و تەکنیکی جەخت کراوە.

News Code 26004

نیشانەکان

بۆچوونی ئێوە

You are replying to: .
  • 7 + 4 =