ئەمریکا بەم کارە دزێوانە دژی سوپای پاسداران بە هیچ ئەنجامێک ناگات

   بە ڕاپۆرتی ئاژانسی هەواڵی مێهر، ئایەتوڵڵا خامنەیی کەمێک پێش ئێستا بە بۆنەی ڕۆژی پاسدار لەگەڵ ژمارەیەک لە پاسدارەکان و بنەماڵەکانیان دیداریان کرد.

لەم دیدارەدا ڕێبەری وتیان: ئەمریکا و دوژمنانی بێ عەقڵیان چل ساڵە هەر چیان توانی دژی کۆماری ئیسلامی کردیان بەڵام هیچ غەڵەتێک ناتوانن بکەن و ئەمڕۆ دەستی شۆڕش و نیزامی ئیسلامی لە ناوچە و بەڵکوو لە دنیا ئاوەڵایە.

 ئایەتوڵڵا خامنەیی سوپای پاسدارانیان بە دەزگایەکی گەورە و لە هێڵی پێشەوەی دوژمن لە گۆڕەپانەکان ناوبرد و زیادیان کرد: سوپا هەم لە مەیدانی ئۆپراسیۆنیدا دژی دوژمن لە سنوورەکان وەستان و هەم لە مەیدانی بەرەنگاریی سیاسی لەگەڵ دوژمن.

 ڕێبەری باڵای شۆڕشی ئیسلامی ئێران ئەوەشیان وت کە دوژمنانی کۆماری ئیسلامی وەک ترامپ و ئەحمەقەکانی دەوروبەری و نیزمی حاکم لەسەر ئەمریکا بەرەو لەناوچوون دەچن.

 وتیشیان: دوژمنانی ئێرانی ئازیز، چل ساڵە کە هەموو جۆرەکانی گوشاری سیاسی، ئابووری و پاگەندەییان دژی گەلی ئێران سەپاند بەڵام تەنانەت ئەو ڕۆژەش کە کۆماری ئیسلامی تازە کار بوو، نەیانتوانی هیچ غەڵەتێک بکەن.

 ئایەتوڵڵا خامنەیی جەختیان کرد: بە پێچەوانەی گێڕانەوەی دوژمنان، سەربەرزی و دەسەڵاتی نیزامی ئیسلامی بە هۆی بۆمبی ناڤۆکیەوە نییە چونکوو ئێمە لە سەرەتاوە جەختمان کردووە چەکی ناڤۆکی پیجەوانەی بنەماکانی ئایینی ئێمەیە و پێویستمان پێ نییە و دەسەڵات و سەربەرزی ئەمڕۆی گەلی ئێران لە چاو دنیای ئیسلام، بە هۆی گیانفیدایی و چاوکراوەیی و خۆراگری خەڵکە.