هەوڵ بۆ تۆکمەکردنی پەیوەندیی نێوان وڵاتانی عەرەبی

سەرۆک کۆماری عێراق لە دیداری ئەمیری قەتەر خوازیاری تۆکمەکردنی پەیوەندیی هاریکارانەی وڵاتانی عەرەبی – عەرەبی و عەرەبی – ناوچەیی بوو.

بە ڕاپۆرتی ئاژانسی هەواڵی مێهر بە گێڕانەوە لە "النهرین"، بەرهەم ساڵح سەرۆک کۆماری عێراق لە دۆحەی پایتەختی قەتەر لە گەڵ تەمیم بێن حەمدی ئالی سانی کۆبووەوە و سەبارەت بە پەیوەندیی دوو لایەنەی دوو وڵات گفتوگۆ و دانوستانیان کرد.

ساڵح لەو دیدارە وتی: عێراق بە دوای سازدانی باشترین پەیوەندی لە گەڵ برایانی عەرەب بە بێ جیاوازییە و لە پێناو دەورگێڕانێکی میحوەری و ناوبژیگەرانە بۆ نزیک کردنەوەی گەلانی ناوچە و کۆتایی هێنان بە ناکۆکییەکانە.

سەرۆک کۆماری عێراق خوازیاری تۆکمەکردنی پەیوەندیی هاریکارانەی وڵاتانی عەرەبی – عەرەبی و عەرەبی – ناوچەیی بوو و ئەو هەنگاوەی بە هۆکاری لێکگەیشتن و گفتوگۆی سازێنەر و یارمەتی‌دەر بە گەشەسەندنی وڵاتان و پێشکەوتنیان زانی.

لایەنەکان لەو دیدارەدا هەروەها دۆخی سیاسی و ئەمنیی عەرەبی و نێودەوڵەتیان تاوتوێ کرد و جەختیان لە زەروورەتی هاوئاهەنگی هەڵوێست و سیاسەتی دژە دەستێوەردان لە کاروباری ناوخۆیی وڵاتان کرد.

لە لایەکی دیکەوە ئەمیری قەتەریش ئاماژەی بە پاڵپشتیی وڵاتەکەی لە عێراق لە باری سیاسی و ئەمنییەوە کرد و وێرای داکۆکی لە ئیرادەی جیدیی وڵاتەکەی بۆ پەرەدان بە پەیوەندیگەلی برایانە، ڕایگەیاند: قەتەر لە پەنای عێراق دەوەستێ و لایەنگری سەقامگیری و پاوەجێی و ئاشتی لەو وڵاتەیە.

News Code 24233

نیشانەکان

بۆچوونی ئێوە

You are replying to: .
  • 1 + 1 =