خەونی سەرکردەکانی ڕژیمی زایۆنی هیچکات نایەتە دی

وتەبێژی وەزارەتی دەرەوە وتی: ڕژیمی زایۆنی دەبێ باش بزانێت کە ئێران توانستێکی بەرگریی وەهای هەیە کە وەدی هاتنی خەونی ئاڵۆزی ئەو نەفامە بوغزاوییانە وەک هەمیشە نامومکین دەکات.

بە ڕاپۆرتی ئاژانسی هەواڵی مێهر، بەهرام قاسمی وتەبێژی وەزارەتی دەرەوە لە کاردانەوە بە نوێترین وڕینەکانی سەرۆک وەزیرانی ڕژێمی زایۆنی کە پاگەندەی ئەنجام دانی ئۆپەراسیۆنی سەربازیی لە ناوخۆی سنوورەکانی ئێران کردبوو، وتی: ئەگەرچی ڕژیمی گەندەڵ و داگیرکاری زایۆنی و نمانەی ڕق و قین و غەرەز هیچکات ناوێری کاری وا بکات، بەڵام بە کار هێنانی وشە و دەستەواژەی بێشەرمانەی لەو جۆرە لە لایەن سەرۆک وەزیرانی ڕژێمی زایۆنی دژ بە ئێران لەبەر نەزانی و وڕاوەیی، هەڕەشەی سەربازی کردن لە وڵاتێکی گەورە دێتە ئەژمار کە بێ گومان لە کۆڕ و ناوەندە مافەوانی و نێودەوڵەتییەکاندا پێوشوێن دەگیردرێ.

قاسمی بە ئاماژە بەوەی بە بنەما و بنچینەی ڕژێمی زایۆنی کە پشت‌ئەستوورە بە دەستدرێژی و هەڕەشە لە دژی وڵاتانی ناوچە، وتیشی: ئەم ڕژێمە کە سەرەکیترین هۆکاری تێکدەری پاوەجێی و ئاسایش و سەرچاوەی هەموو چەشنە کوشت و بڕ لە ڕۆژهەڵاتی ناڤینە، لەوپەڕی بێ شەرمییەوە بە درۆ و دەلەسە وا بانگەشە دەکات کە نیگەرانیی ناسەقامگیریی ناوچەکەیە.

ناوبراو لە درێژەدا جەختی کرد: ئێران خاوەن وەها توانستێکی بەرگری - سەربازی و پشتیوانیی قورسی جەماوەرییە کە هاتنە دیی خەونە ئاڵۆزەکانی ئەو نەفامگەلە بوغزاوی و شەڕخوازنە هەر وەک هەمیشە نامومکینە و ئەوانە لە وڕێنە کردن و گێڕانەوەی خەونە ئاڵۆزەکان و بیرە شێتانەکانیان پەشیمان دەکاتەوە.

وتەبێژی وەزارەتی دەرەوەی ئێران ڕاشیگەیاند: ئێرانی سەربەرز و بەهێز بە جەماوەرێکی ژیر و خاوەن مێژوو و فەرهەنگێکی ڕەسەن و بە پێڕەوی لە تەواو ئەزموونگەلی مێژوویی و بە باوەڕێکی پێداگرانە و شەڕ لە دژی تیرۆریزم و تۆکمەکردنی ئاشتی، پاوەجێی و ئاسایشی ناوچە و بەرز کردنەوەی ئاستی گەشانەوە و ئاسوودەیی، بیر و ویستی ناحەزان و دژبەرانی ئەم گەل و وڵاتە بێ ئاکام دەکات.

News Code 23631

نیشانەکان

بۆچوونی ئێوە

You are replying to: .
  • 1 + 2 =