۲۳۵ که‌س بە هۆی ڕووداوی هات و چوو لە کوردستان گیانیان لە دەستداوە

غوڵام ڕه‌زا هۆمایون پوور، به‌رپرسی پزشکی قانونی کوردستان له‌مباره‌وه‌ ئاماژه‌ی دا: له‌ میانه‌ی ۶ مانگی ڕابردوو ۲۳۵ که‌س به‌ هۆی ڕووداوی هات و چوو له‌ کوردستان گیانی خۆیان له‌ ده‌ست داوه‌ که‌ به‌ نیسبه‌ت ساڵی ڕابردوو ۹ له‌ سه‌د زیادی کردووه‌.

ئه‌و زیادی کرد: له‌م ژماره‌یه‌ که‌ له‌م ۶ مانگه‌ مردوون، ۱۸۷ که‌س له‌ ده‌ره‌وه‌ی شاره‌کان، ۳۱ که‌س له‌ ناو شار و ۱۷ که‌س له‌ جاده‌کانی گونده‌کان گیانی خۆیان له‌ ده‌ست داوه‌.

به‌رپرسی پزشکی قانونی پارێزگای کوردستان وتی: له‌ ۲۳۵ که‌سه‌ کوژراوه‌که‌ له‌م ۶ مانگه‌ ۱۹۰ که‌سیان پیاو بوون و ۴۵ که‌سیان ژنان بوون.

شایانی باسه‌ که‌ ساڵانه‌ ژماره‌یه‌کی زۆر خه‌ڵکی سڤیل به‌ هۆی ڕووداوی هات و چووه‌وه‌ ده‌کوژرێن.