پرسی پەکەکە به‌ ڕێگەی سیاسی چاره‌سه‌ر ناکرێت

بە ڕاپۆرتی ئاژانسی مێهر لە زەڕنیوز، عوسمان ئۆجالان، وتی: بڕیاره‌که‌ی ئه‌مریکا جیدییه‌ و له‌و بڕیاره‌ پاشگه‌ز نابێته‌وه‌. ئه‌گه‌ر پەکەکە نه‌خشه‌ڕێگای خۆی نه‌گۆڕیت ۲ ڕێگای بۆی دەمێنێتەوە یان سه‌رکرده‌کانی پەکەکە ده‌ستگیر بکرێن و ڕاده‌ستی ده‌وڵه‌تی تورکیا بکرێنه‌وه‌ یان پەکەکە ده‌بێت ئه‌و دۆخه‌ به‌ هه‌ند وه‌ربگرێت و نه‌خشه‌ڕێگای خۆی بگۆڕێت.

ئۆجالان هەروەها وتی: ئه‌مریکا پڕۆژه‌یەکی نوێ بۆ ناوچه‌که‌ هه‌یه‌ و چیدی کاتی ئه‌وه‌ گه‌یشتوووه‌ که‌ کورد فێری سیاسه‌ت بێت. سیسته‌می پەکەکە له‌سه‌ر فۆڕمی سه‌ربازی داڕێژراوه‌ هه‌ر بۆیه‌ پرسی پەکەکە به‌ ڕێگە چارەی سیاسی چاره‌سه‌ر ناکرێت. ئه‌مڕۆکه‌ش گه‌وره‌ترین له‌مپه‌ڕی به‌رده‌م پارتی دیموکراتیکی گه‌لان و دیکه‌ی حیزبه‌ کوردییه‌کان بۆ ئه‌نجام دانی سیاسه‌ت پەکەکەیە.