شەریکەی پۆڵای کوردستان گه‌وره‌ترین سه‌رمایه‌دانه‌ری ده‌وڵه‌ته‌ له‌م پارێزگایه‌

پارێزگاری کوردستان وتی: ڕێکخستنی زنجیرە شەریکەکانی پۆڵای کوردستان له‌ بیجاڕ و قوروه‌ گه‌وره‌ ترین سه‌رمایه‌دانه‌ری ده‌وڵه‌ته‌ لەم پارێزگایەدا.

به ڕاپۆرتی ئاژانسی مێهر، به‌همه‌ن مورادنیا ڕۆژی یه‌کشه‌مه‌ له‌ په‌ڕاوێزی واژۆ کردنی په‌یمانی بنیات نانی شەریکەی پۆڵای کوردستان وتی: یه‌کێک له‌ داواکارییه‌ سه‌ره‌کییه‌کان خه‌ڵکی کوردستان به‌ تایبه‌ت شاره‌کانی قوروه‌ و بیجاڕ به‌ر گرتن به‌ خاو فرۆشتنی کانگاکانی ئه‌م شارانه‌ بوو.

ئه‌و زیادی کرد: ئه‌و هه‌نگاوه‌ی ئه‌مڕۆ هه‌ڵگیراوه‌ هیوای په‌ره‌ی زیاتر به‌ پارێزگای کوردستان و ئه‌م دوو شاره‌ ده‌دات. بڕیار وایه‌ که‌ یه‌ک ملیۆن و ۶۰۰ هه‌زار تۆن پۆڵا له‌م دوو کارگایەدا بەرهه‌م بێت.

مورادنیا ئاماژه‌ی دا: ئه‌مه‌ گه‌وره‌ترین سه‌رمایه‌دانه‌ری ده‌وڵه‌ت له‌ پارێزگای کوردستانه‌. 

محه‌مه‌د ده‌ره‌وه‌زمی، به‌رپرسی ڕێکخراوی پیشه‌، کانگا و بازه‌رگانی کوردستان له‌مباره‌وه‌ وتی: له‌ ئێستادا ۲۹ شارۆچکه‌ی پیشه‌یی له‌ کوردستان هه‌یه‌ که‌ ۱۴ شارۆچکه‌یان له‌ حاڵی ئیش کردن دان.

دەرەوەزمی وتی: ۸۴۹ کارگه‌ی پیشه‌یی له‌ کوردستان هه‌یه‌ که‌ ده‌بێت ۱۶ هه‌زار و ۸۷۱ که‌س تێیدا سه‌رقاڵی کار کردن بن. 

وتیشی: ۳۸۹ مۆڵه‌تی که‌نگایی له‌ کوردستان دراوه‌ که‌ ۱۴۴ مۆڵه‌تیان له‌ حاڵی کارکردن دان و ۲۳۵ مۆڵه‌تیان چالاک نین

News Code 18814

نیشانەکان

بۆچوونی ئێوە

You are replying to: .
  • 1 + 1 =