تەوەری گفتوگۆی نێوان نێچیرڤان بارزانی و باڵوێزی به‌ریتانیا

شاندێکی باڵای بەریتانیا بە سەرۆکایەتیی گەورە راوێژکارێکی سەرۆک وەزیرانی ئەو وڵاتە کۆ بووەوە و هەر دوولا جەخت له‌ هاوكاریى دوولایه‌نه‌ ده‌كه‌نه‌وه‌.

بە ڕاپۆرتی ئاژانسی مێهرلە ڕووداو، نێچیرڤان بارزانی، سه‌رۆک وه‌زیرانی هه‌رێمی كوردستان پێشوازیی له‌ لێفتنانت جه‌نه‌ڕال سیر جۆنز لۆریمه‌ر، گه‌وره‌ راوێژكاری سه‌ربازیی به‌ریتانیا بۆ رۆژهه‌ڵاتی نێوه‌ڕاست و نوێنه‌ری تێریزا مه‌ی، سه‌رۆک وه‌زیرانی به‌ریتانیا كرد.

بە پێی راگەیێندراوی حکوومەت هەرێم شاندی میوان سه‌ركه‌وتن و قوربانییه‌كانی خه‌ڵک و پێشمه‌رگه‌ی له‌ شه‌ڕی دژی تیرۆر و هاوكاری و هه‌ماهه‌نگییه‌كانی نێوان پێشمه‌رگه‌ و راوێژكاره‌ سه‌ربازییه‌كانی به‌ریتانیاى له‌ شه‌ڕی دژی تیرۆردا به‌رز نرخاند.

شاندەکەی بەریتانیا پشتگیریی وڵاته‌كه‌یان له‌ هاوكاری كردنی پێشمه‌رگه، مۆدێرن كردنی ئەو وه‌زاره‌تە و بره‌ودانى زیاتر به‌ په‌یوه‌ندییه‌كانی نێوان هه‌رێمی كوردستان و به‌ریتانیا دووپات كردووتەوه‌.

لای خۆیەوە سه‌رۆک وه‌زیرانی هه‌رێمی كوردستان سوپاسی هاوكارییه‌ سه‌ربازییه‌كانی به‌ریتانیای بۆ هه‌رێمی كوردستان له‌ شه‌ڕی دژی داعشدا كردووە، هیوای به‌رده‌وامی هاوكاری و هه‌ماهه‌نگییه‌كانیشی خواستووە، له‌و باره‌یه‌وه‌ ئاماده‌یی حكومه‌تی هه‌رێمی كوردستانی بۆ هه‌ر ئاسانكارییه‌ک نیشانداوە.

له‌ به‌شێكی دیكه‌ی كۆبوونه‌وه‌كه‌دا باس له‌ بارودۆخی ناوچه‌كه‌ به‌گشتی و په‌یوه‌ندییه‌كانی نێوان هه‌ولێر و به‌غدا به‌تایبه‌تی كراوە. له‌وباره‌یه‌وه‌ "په‌ره‌سەندنه‌ ئه‌رێنییه‌كان" له‌ په‌یوه‌ندییه‌كاندا به‌ تایبه‌تی كردنه‌وه‌ی فڕۆكه‌خانه‌كانی هه‌رێمی كوردستان و دابین كردنی به‌شێک له‌ مووچه‌ی مووچه‌خۆرانی هه‌رێمی كوردستان، به‌ "هه‌نگاوی باش" نرخێنران و به‌رده‌وامیی دیالۆگی هه‌ولێر ـ به‌غدا بۆ چاره‌سه‌ركردنی ته‌واوی كێشه‌كان، جه‌ختی لە سەر كرایه‌وه‌.

تاوتوێ كردنی چه‌ند بابه‌تێكی په‌یوه‌ست به‌ رۆژهه‌ڵاتی ناوه‌ڕاست و ناوچه‌كه‌ و په‌یوه‌ندییه‌كانى هه‌رێمى كوردستان و به‌ریتانیا، لایه‌نێكی دیكه‌ی دیداره‌كه‌ بوون.

لە کۆبوونەوەکەدا جۆن وێلكس، باڵیۆزی به‌ریتانیا له‌ عێراق و جۆن شارپ، كونسووڵی گشتیی به‌ریتانیا به‌ وه‌كاله‌ت له‌ هه‌رێمی كوردستان و ژمارەیێک دیپلۆماتکاری سیاسی و سه‌ربازی یاوه‌ری شاندەکەی بەریتانیا بوون.

لە شاندی کوردستانیش قوباد تاڵه‌بانی، جێگری سه‌رۆک وه‌زیران و د. فوئاد حوسێن سه‌رۆكی دیوانی سه‌رۆكایه‌تیی هه‌رێمی كوردستان و ژماره‌یێک له‌ وه‌زیر و به‌رپرسانی هه‌رێمی كوردستان ئامادە بوون.

News Code 17744

نیشانەکان

بۆچوونی ئێوە

You are replying to: .
  • 8 + 0 =