ناکۆکی و ئاژاوه‌ ئاسته‌نگه‌کانی به‌رده‌م کۆمه‌ڵگای ئیسلامین

نوێنه‌ری ڕێبه‌ری باڵای ئێران وتی: دروست کردنی ناکۆکی و ئاژاوه‌گێڕی ئاسته‌نگه‌کانی به‌رده‌م کۆمه‌ڵگای ئیسلامین و هه‌موو ده‌بێت پێکه‌وه‌ بۆ یه‌کپارچه‌یی ئۆمه‌تی ئیسلامی تێبکۆشین.

به‌ ڕاپۆرتی ئاژانسی مێهر له‌ نووسینگه‌ی ڕێبه‌ری باڵای ئێران له‌ کوردستان، ئایه‌توڵا سه‌ید محه‌مه‌د حسه‌ینی شاهرودی له‌ یه‌که‌مین کۆنفڕانسی نێونه‌ته‌وه‌یی ئه‌هلی به‌یت له‌ تانزانیا، وتی: وه‌ک نێونه‌ری ڕێبه‌ری باڵای ئێران سڵامی ئه‌وان به‌ ئێوه‌ی به‌ڕێز ده‌گه‌یه‌نم. 

وتیشی: ئاسته‌نگه‌کانی به‌رده‌م ئۆمه‌تی ئیسلامی هین ئه‌مڕۆ و دوێنێ نییه‌ و سه‌دان ساڵه‌ بوونی هه‌یه‌ و له‌ سه‌ده‌کانی یه‌که‌می ئیسلامیشدا بووه‌. من له‌م ڕوانگه‌ی ئیمام شافعییه‌وه‌ ده‌مه‌وێت له‌م کێشانه‌ بڕوانم و لێکۆڵینه‌وه‌ی زانستی ئه‌وان ده‌خه‌مه‌ به‌رده‌ست.

ئایه‌توڵا شاهرودی درێژه‌ی دا: تاکوو ئه‌مڕۆ له‌ ئێران ۱۲ کۆنفڕانسمان سه‌باره‌ت به‌ ئیمام شافعی (د.خ) به‌ڕێوه‌ بردووه‌ که‌ بڕێکی له‌ عێراق و ئه‌ندۆزنیا ئه‌نجام بووه‌. هه‌موو ئه‌مانه‌ش بۆ ئه‌وه‌یه‌ که‌ ئێمه‌ به‌ڕاستی گرنگی به‌ ئیمام شافعی و ڕوانگه‌ زانستییه‌کانی ده‌ده‌ین و ده‌توانێت ببێته‌ باشترین هه‌وێن بۆ یه‌کگرتوویی له‌ جیهانی ئیسلامدا. 

ڕاشیگه‌یاند: یه‌کێک له‌ ئاسته‌نگه‌کانی به‌رده‌م کۆمه‌ڵگای ئیسلامی ناکۆکی و ئاژاوه‌گێڕی بووه‌ و ئه‌م کێشه‌ش هه‌م له‌ ڕووی ناخۆیی وڵاتانی جیهانی ئیسلام هه‌م له‌ ڕووی جیهانییه‌وه‌ گرنگی پێدراوه‌.

ئه‌وه‌شی وت: له‌ ئۆمه‌تی ئیسلامی له‌ نێوان مه‌زهه‌به‌ جیاوازه‌کان ناکۆکی هه‌یه‌ تاکوو ئه‌و جێگه‌ی هه‌موو مه‌زهه‌به‌ ئیسلامییه‌کان له‌ سه‌ده‌ی دووهه‌م و سێهه‌می ئیسلامی دروست بوون و له‌ نێوان مه‌کته‌ب و مه‌زهه‌بی قورئان له‌ مه‌که‌، مه‌کته‌بی خاوه‌ن ڕا و مه‌کته‌بی ئه‌هلی حه‌دیس جیاوازی و ناکۆکی زۆر هه‌یه‌.

نوێنه‌ری ڕێبه‌ری باڵای ئێران زیادی کرد: له‌م نێوانه‌دا ئیمام شافعی له‌ مه‌که‌ مه‌کته‌بی قورئان و له‌ مه‌دینه‌ مه‌کته‌بی حه‌ریر و له‌ عێراق مه‌کته‌بی ئه‌هلی حه‌دیس فێر بوو، هه‌ر به‌م بۆنه‌وه‌ هه‌وڵی دا له‌ نێوان ئه‌م مه‌زهه‌بانه‌ یه‌کگرتووییه‌ک دروست بکات.

ساهروودی زیادی کرد :ئیمام شافعی له‌ موحبان و لاینگرانی ئه‌هلی به‌یتیش به‌رگری ده‌کرد و فه‌رموویانه‌؛ ئه‌گه‌ر لاینگرانی ئه‌هلی به‌یت ڕافزی بانگ بکه‌ن، ئه‌وه‌ منیش ڕافزیم چون لاینگر و دۆستی ئه‌هلی به‌یتم.

News Code 17092

نیشانەکان

بۆچوونی ئێوە

You are replying to: .
  • 2 + 3 =