عێراق پێداگرە لە ئەنجامدانی گفتوگۆی کارناسانەی نێوان بەغدا و هەولێر

وتەبێژی دەوڵەتی عێراق ڕایگەیاند کە دەوڵەتی ناوەندی لای وایە دانوستان لە رێگەی کۆمیتەگەلی کارناسی و چارەسەریی بابەتە جێ ناکۆکییەکان، هەلی چارەسەریی قەیرانەکانی نێوان هەولێر و بەغدا دەڕەخسێنێت.

بە ڕاپۆرتی ئاژانسی مێهر بە گێڕانەوە لە رۆژنامەی "الصباح الجدید"، سەعد حەدیسی وتەبێژی دەوڵەتی عێراق جەختی لە زەروورەتی گفتوگۆی کارناسیی نێوان بەغدا و هەولێر کردەوە.

حەدیسی وتی: کردنەوەی کەناڵی گفتوگۆی نێوان دەوڵەتی ناوەندی و ڕەوتە سیاسییە چالاکەکانی هەرێمی کوردستان پرسێکی زەروورییە و هەنگاوێکە بەرەو ڕەهەندی دروستی کۆتایی هێنان بە قەیرانەکانی دوای بەڕێوەچوونی ڕیفراندۆمی هەرێمی کوردستان.

حەدیسی وتیشی: تا ئێستا هیچ شاندێک بە نوێنەریی دەوڵەتی هەرێمی کوردستان بۆ گفتوگۆ سەردانی بەغدای نەکردووە، بەڵام ڕاپۆرتەکان لە بڕیاری نوێنەرانی حزبە کوردستانییەکان بۆ دانوستان لە گەڵ بەغدا دەگاتە گوێ کە بە ئاوردانەوەی لە هاوپەیوەندبوونی قەیرانی هەولێر و بەغدا لە گەڵ تەواو حزبە کوردستانییەکان، ئەو ڕاپۆرتانە بایەخێکی زۆریان هەیە.

وتەبێژی دەوڵەتی عێراق جەختی کرد: بەغدا لە هەلومەرجی ئێستادا پێداگرە لە ئەنجامدانی دانوستانی کارناسی لە گەڵ دەوڵەتی هەرێمی کوردستان بۆ ئەوەی لە رێگەی کۆمیتەگەلێک لە هەر دوولا ناکۆکییە بە جێ ماوەکان لێک بدرێنەوە.

بە وتەی حەدیسی ڕێڕەوگەلی سنووری، پرسی فرۆکەخانەکان و کێڵگە نەوتییەکان لە هەرێمی کوردستان و میکانیزمی هەناردەی نەوت، سەرچاوەگەلی ئاوی و شێوەی دابەشکاریی مووچەی فەرمانبەران لە هەرێمی کوردستان بەشێکن لەو پرسانەی کە دەبێ تاوتوێ بکرێن.

وتەبێژی دەوڵەتی عێراق ئاماژەی بەوەش دا کە هەرێمی کوردستان هێشتاش خەریکی هەناردەی نەوت لە کێڵگە نەوتییەکانی ئەو ناوچەیەیە و هەناردەی نەوت بە بێ ئاگاداریی دەوڵەتی ناوەندی بە مانای ناشەفاف بوونی تەواو لە لایەن هەرێمی کوردستانەوە.

ناوبراو وتیشی: تەنیا رێگەچارەی ئەو کێشەیە ئەوەیە کە نەوتی هەرێمی کوردستان لە لایەن دەوڵەتی ناوەندییەوە هەناردە بکرێت و نەو جۆرە دەوڵەتی ناوەندیش بەرپرسایەتیی پێدانی مووچەی فەرمانبەرانی هەرێم لە ئەستۆ بگرێت.

جەختی لەوەش کردەوە کە تا کاتێک بەرپرسایەتیی فرۆکەخانە نێودەوڵەتییەکانی هەولێر و سلێمانی رادەستی دەوڵەتی ناوەندی نەکرێن، گەشتە ئاسمانییەکانی ئەو دوو فرۆکەخانەیە ئەنجام نادرێت، چونکا ئەو دوو فرۆکەخانەیە دوو ڕێڕەوی نێودەوڵەتین و مژاری کۆنتڕۆڵیان پەیوەستە بە ئاسایشی نیشتمانی عێراقەوە.

News Code 15738

نیشانەکان

بۆچوونی ئێوە

You are replying to: .
  • 6 + 1 =