به ڕاپۆرتی ئاژانسی مێهر له سپۆنتیک، ڤلادیمیر پووتین، سه‌رۆک کۆماری ڕووسیا ڕایگه‌یاند که ئه‌گه‌ر پێویست بکات مسکۆ به‌رده‌وام ده‌بێت له درێژه دان به شه‌ڕی دژ به تیرۆریسته‌کان له سووریا.
سه‌رۆک کۆماری ڕووسیا له‌مباره‌وه وتی: ئێسته پێویست به‌وه ناکات که هێزی زۆر ڕووسی له سووریا بێت؛ به‌م حاڵه‌شه‌وه ئیمه درێژه به شه‌ڕی دژ به تیرۆر له‌وێ ده‌ده‌ین، چون ڕووسیا هێشتا دوو بنکه‌ی سه‌ربازی له سووریادا هه‌یه.
ڤلادیمیر پووتین له درێژه‌دا سه‌باره‌ت به ئه‌فغانستان وتی که به کشانه‌وه‌ی هێزه‌کانی ئه‌مریکا له‌م ئه‌فغانستان دۆخی ئه‌م وڵاته خراپتر بوو.
ئه‌و له کۆتایدا جه‌ختی کرد: سه‌ره‌ڕای ئه‌وه‌ی که په‌یوه‌ندی مسکۆ له‌گه‌ڵ ئه‌مریکا ئاڵۆزی زۆری هه‌یه، ده‌بێت دۆخی ئه‌فغانستان به شێوه‌یه‌کی ڕاسته‌قینه بڕوانین.
Your Comment