بە ڕاپۆرتی ئاژانسی هەواڵی مێهر، زیگمار گاربرێل، وەزیری دەرەوەی ئەڵمانیا لەكۆنگرەیەكی رۆژنامەوانی هاوبەشدا لەگەڵ نێچیرڤان بارزانی رایگەیاند: "داعش مەترسییەكی گەورە بوو بۆ سەر عێراقییەكان و كۆتایی داعش نزیكبووەتەوەو دەبێت سەركەوتن بەسەر داعشدا تۆماربكەین".
ئاماژەی بەوەشكرد، "داوا لەحكومەتی هەرێمی كوردستان دەكەین دەست بەگفتوگۆ بكەن لەگەڵ بەغدا بۆ چارەسەركردنی كێشەكانی نێوانیان".
ئەوەشی وتووە: "دەبێت پەیوەندییەكانی نێوان هەرێم و بەغدا ئاسایی ببێتەوە".
هاوكات نێچیرڤان بارزانی سەرۆكی حكومەتی هەرێم لەكۆنگرە رۆژنامەوانییەكەدا رایگەیاند: "سوپاسی ئەڵمانیا دەكەین بۆ هاوكارییەكانیان و درێژكردنەوەی وادەی مەشقپێكردنی هێزەكانی پێشمەرگە".
Your Comment