۵ میلیۆن عێراقی لە ماوەی ۳ ساڵی رابردوودا ئاوارە بوون

دەرباز محەمەد وەزیری کۆچ و کۆچبەرانى عێراق ڕایگەیاند: لە ئەنجامی کردە سەربازییەکانى سێ ساڵی ڕابردوو ژمارەی ئاوارە ناوخۆییەکانی عێراق گەیشتنە ٥ ملیۆن کەس.

بە ڕاپۆرتی ئاژانسی هەواڵی مێهر، دەرباز محەمەد لە ئاهەنگێکدا بە بە بۆنەى سەرکەوتنى تەواوەتی بە سەر داعشدا سازکرابوو، ڕایگەیاند: لە ماوەى ڕابردوودا  وەزیری کۆچ و کۆچبەران کاری کردووە بۆ گەڕانەوەى سەرجەم ئاوارەکان بۆ شوێنەکانى خۆیان و لە ئێستادا زیاتر لە ٤٥% سەرجەم ئاوارەکان گەڕاونەتەوە بۆ شارو شارۆچکەکانیان.

ئاماژەى بەوەشکردووە کە ساڵی داهاتوو ساڵی گەڕانەوەى تەواوەتى سەرجەم ئاوارەکان دەبێـت بۆ شوێنەکانى خۆیان .

ئەوەشی وت کە "سەرکەوتنى تەواوەتی بە سەر داعش ئەو کاتە دەبێت کە سەرجەم ئاوارەکان بگەرێنەوە و ژیانیان خۆشبکرێت".

ئەمەش لە کاتێکدایە لە دواى هاتنى داعش و گرتنى بەشێکی زۆری خاکى عێراق لە ٢٠١٤  ژمارەیەکى زۆری هاوڵاتیانى عێراق ئاوارەی ناوچەکانى خوارووی عێراق و هەرێمى کوردستان بوون و تا ئێستاش بەشێکی دیاریان لە کەمپەکانى هەرێم ماون.

News Code 15247

نیشانەکان

بۆچوونی ئێوە

You are replying to: .
  • 3 + 8 =