هێزه‌کانی ڕووسیا له‌ حه‌میم و ته‌رتوس ناکشێنه‌وه‌

وته‌بێژی کۆشکی سه‌رۆک کۆماری ڕووسیا ڕایگه‌یاند که‌ هێزه‌کانی ڕووسیا سه‌ره‌ڕای فه‌رمانی پووتین بۆ کشانه‌وه‌ له‌ سووریا، له‌ دوو بنکه‌ی سه‌ربازی حه‌میم و ته‌رتوس ده‌مێننه‌وه‌.

به‌ ڕاپۆرتی ئاژانسی مێهر له‌ ڕاشاتوده‌ی، دیمتری پسکۆف، وته‌بێژی کره‌ملین ڕایگه‌یاند: ڕووسیا دوای کشانه‌وه‌ی هێزه‌کانی له‌ سووریا، بنکه‌یه‌کی ده‌ریایی و بنکه‌یه‌کی ئاسمانی خۆی له‌م وڵاته‌ ده‌هێڵێته‌وه‌ تاکوو گه‌ر پێویستی کرد له‌ دژی گرووپه‌ تیرۆریستییه‌کان هه‌نگاو هه‌ڵبگرێت.

شایانی باسه‌ که‌ ڤلادیمیر پووتین دوای دیدار له‌ بنکه‌ی ئاسمانی حه‌میم له‌ پارێزگای لازقییه‌، فه‌رمانی کشانه‌وه‌ی هێزه‌کانی ڕووسیای له‌ سووریا دا.

ئه‌و له‌م دیداره‌ له‌گه‌ڵ به‌شار ئه‌سه‌د سه‌رۆک کۆماری سووریاش گفتوگۆی کرد. پسکۆف سه‌باره‌ت به‌ فه‌رمانه‌که‌ی پووتین وتی: به‌و پێیه‌ی که‌ سووریا له‌ ده‌ستی تیرۆریسته‌کان ڕزگاری بووه‌ چی دیکه‌ پێویست ناکات که‌ هێزه‌کانی ڕووسیا له‌م وڵاته‌ بمێننه‌وه‌.

ئه‌و له‌ کۆتایدا وتی: سه‌رۆک کۆمار جه‌ختی کردووه‌ که‌ ڕه‌نگه‌ تیرۆریسته‌کان دووباره‌ سه‌ر هه‌ڵبده‌نه‌وه‌ و ئه‌گه‌ر شتی وه‌ها ڕووبدات دیسان هێرشه‌ ئاسمانییه‌کان ده‌ست پێ ده‌که‌ینه‌وه‌.

News Code 15211

نیشانەکان

بۆچوونی ئێوە

You are replying to: .
  • 5 + 0 =