فرۆکە جەنگییەکانی ئەمریکا دەکەینە ئامانج

فەرماندەی هێزی ئاسمانیی پاکستان ڕایگەیاند کە لە ئەگەری پێشێل کردنی سنووری ئاسمانی وڵاتەکەی لە لایەن فرۆکە جەنگییەکانی ئەمریکا، بە بێ ڕەچاوکردن دەیانپێکن.

بە ڕاپۆرتی ئاژانسی هەواڵی مێهر بە گێڕانەوە لە ئێکسپرێس نیووز، "سوهەیل ئەمان" فەرماندەی هیزی ئاسمانیی پاکستان لە لێدوانێکدا ڕایگەیاند: ئێمە بۆ پاراستنی خاک و زێدی خۆمان ئامادەین و لە ئەگەری پێشێل کرانی سنووری ئاسمانیی پاکستان لە لایەن فرۆکە جەنگییەکانی ئەمریکا بە بێ لەبەرچاوگرتنی هەر جۆرە پاساوێک دەیانخەینە خوارێ.

وتیشی: هێرشی تیرۆریستی بۆ سەر بنکەی "کامرە" تاڵترین ڕووداوی مێژووی هێزی ئاسمانی پاکستان بووە، بەڵام ئێمە بە شلگێریی زیاترەوە بەرەوڕووی تیرۆریستان دەبینەوە و دەسەڵاتی خۆمان زیاتر پەرە پێداوە.

ئەمان ئاماژەی بەوەش دا: ئاسایشێک کە زۆربەی وڵاتان بۆ دابین کردنی داماون، ئێمە بە تەنیایی بۆ وڵاتەکەمان بە دیاری هێناوە و ئەو ڕاستییەکە کە دوژمنانی ئێمە و تەنانەت هیندستان-یش دانی پێدا دەنێن.

ناوبراو وێرای ئاماژە بە کەڵک وەرگرتنی هێزی ئاسمانیی پاکستان لە گەنجانی خۆجێی ئەو وڵاتە، بیری هێنایەوە: بۆ سازدانەوەی فرۆکە زیان پێگەیشتووەکان لە ڕووداوی هێرشی تیرۆریستیی بنکەی کامرە وڵاتانی رۆژئاوایی ۲۸۷ ملیۆن دۆلار پارەیان داوا کردووە، بەڵا گەنجانی هێزی ئاسمانی پاکستان بە تێچوویەکی زۆر کەمتر و تەنیا بە ۲۵

ملیۆن دۆلار ئەو فرۆکانەیان بە تەواوەتی چاک و ڕێکخستووە.

سوهەیل ئەمان بە هەستیار وەسف کردنی هەلومەرجی ناوچە، جەختی کرد: وڵاتان دەبێ بە پشت بەستن بە دەفرایەتییەکانی خۆیان بە شێوەی جیدی دژی تیرۆریزم ڕاپەڕن بۆ ئەوەی بتوانن ئاسایش و سەقامگیری بۆ خەڵکی خۆیان بە دیاری ببەن.

شایانی باسە کە بارگرژییەکانی نێوان ئیسلام ئاوا – واشنتۆن پاش تۆمەتەکانی ترامپ سەرۆک کۆماری ئەمریکا لە پاکستان لە کاتی ڕاگەیاندنی ستراتژیی خۆی بۆ ئەفغانستان و وڵاتانی باشووری ئاسیا دەستی پێکردووە و لە ماوەی مانگەکانی ڕابردوو زیاتر تەشەنەی سەندووە.

News Code 15104

نیشانەکان

بۆچوونی ئێوە

You are replying to: .
  • 2 + 2 =