بە ڕاپۆرتی ئاژانسی هەواڵی مێهر لە ئێن ئارتی؛ سەرچاوەیەک لە کەمپى مەخمور بە ئێن ئاڕ تیى ڕایگەیاند: نزیکەى کاتژمێر ٦ و ٣٠ خولەکی ئێوارەى ئەمڕۆ تەقینەوەیەک لە دەروازەى سەرەکیى ئەو کەمپەدا ڕوویداوە.
تەقینەوەکە لە رێگەى ئۆتۆمبێلێکى بۆمبڕێژکراو و لەلایەن کەسێکى خۆکوژەوە ئەنجامدراوە.
هەروەها بەهۆى تەقینەوەکەوە زیان بە دەروازەى سەرەکیى کەمپەکە و چەند بینایەکى نزیک لە شوێنى تەقینەوەکە گەیشتووە.
کەمپى مەخمور زیاتر ٢ هەزار و ٧٠٠ خێزانى کوردی تورکیای تێدایە کە زیاتر لە ١٢ هەزار و ٥٠٠ کەس دەبن تیایدا دەژین. ئەو هاووڵاتیانەى لە ساڵى ١٩٩٦ەوە لەو کەمپەدا نیشتەجێن. کەمپەکە لە ژێر چاودێرى ڕێکخراوى نەتەوە یەکگرتووەکاندایە.
ناردنی بۆچوون