ته‌کفیرییه‌کان ئه‌هلی سوننه‌ نین

پێشنوێژی ئه‌هلی سوننه‌ی کرماشان خانه‌دانی پێغه‌مبه‌ری (د.خ) به‌ پشتیوانی موسوڵمانان ناوبرد و وتی: ئه‌و کەسانەی که‌ بیری ته‌کفیریان هه‌یه‌، له‌ ئه‌هلی سوننه‌ نین.

به‌ ڕاپۆرتی ئاژانسی مێهر، مامۆستا مه‌لا محه‌مه‌د محه‌مه‌دی ئه‌مڕۆ ڕایگه‌یاند: ئێمه‌ شوکری خودا ده‌که‌ین که‌ له‌ ئێران له‌ نێوان ڕێبه‌ر و خه‌ڵک په‌یوه‌ندی زۆر باش هه‌یه‌.

ئه‌و زیادی کرد: پێغه‌مبه‌ری خودا به‌رده‌وام جه‌ختی کردووه‌ له‌ سه‌ر هاوڕێی و ڕێز گرتن له‌ خانه‌دانه‌که‌ی خۆی و له‌ سه‌ر ئێمه‌ فه‌ڕزه‌ ڕێزی خۆمان به‌ خانه‌دانی پێغه‌مبه‌ر نیشان بده‌ین.

پێشنوێژی کرماشان وتی: من شافعی مه‌زهه‌بم، ئه‌م مه‌زهه‌به‌ش هاوبه‌شی زۆری له‌گه‌ڵ مه‌زهه‌به‌کانی دیکه‌ش هه‌یه‌ و له‌گه‌ڵ شیعه‌ی جه‌عفه‌ریش هاوبه‌شی هه‌یه‌. پێغه‌مبه‌ری خودا تاکوو کۆتایی ژیانی له‌ سه‌ر دوو بابه‌تی قورئان و ئه‌هلی به‌یت جه‌ختی کرد و فه‌رمووی تاکوو ئه‌و کاته‌ی ئه‌م دوانه‌تان هه‌بێت هیچ خه‌سارێک به‌ر ئێوه‌ ناکه‌وێت. به‌ پێی فه‌رموده‌، قورئان و خانه‌دانی پێغه‌مبه‌ر (د.خ) له‌ یه‌کتر جیا ناکرێنه‌وه‌.

ئه‌و زیادی کرد: پێغه‌مبه‌ر فه‌رمووی وه‌ک چۆن ئاسمان به‌ هه‌ساره‌کان به‌نه‌، ئه‌وه‌ خانه‌دانی پێغه‌مبه‌ریش ڕاگری دین و ئۆمه‌تی ئیسلامین.

ئه‌و له‌ کۆتاییدا وتی: ئه‌و نه‌وانه‌ی له‌مڕۆدا له‌ بیری ته‌کفیرین له‌ ئه‌هلی سوننه‌ نین و له‌ کانی دڵمه‌وه‌ داوا ده‌که‌م که‌ سوننه‌ و شیعه‌ له‌ ته‌نیشت یه‌کتر بن و به‌ یه‌کگرتوویی به‌رانبه‌ر دوژمنه‌کان بوه‌ستنه‌وه‌.

News Code 11595

نیشانەکان

بۆچوونی ئێوە

You are replying to: .
  • 5 + 0 =