ئێران ئاماده‌یه‌ گفتوگۆ له‌گه‌ڵ ده‌وڵه‌تی سعوودیه‌ بکات

وته‌بێژی وه‌زاره‌تی ده‌ره‌وه‌ی ئێران جه‌ختی کرد که‌ ئه‌گه‌ر عه‌ره‌بستان لێدوانه‌کان و سیاسه‌ته‌ دژبه‌رانه‌کان به‌رانبه‌ر ئێران ڕابگرێت، تاران ئاماده‌ی دانوستانی دوو قۆڵییه‌ له‌گه‌ڵ ڕیازدا.

به‌ ڕاپۆرتی مێهر، به‌هرام قاسمی، وته‌بێژی وه‌زاره‌تی ده‌ره‌وه‌ی ئێران له‌ گفتوگۆ له‌گه‌ڵ ماڵپه‌ڕی "ئه‌لعه‌ره‌بی نوێ" بۆچوونی ئێرانی سه‌باره‌ت به‌ ڕووداوه‌کانی ناوچه‌که‌ خسته‌ ڕوو.

ئه‌و سه‌باره‌ت به‌ په‌یوه‌ندی نێوان ئێران و سعوودییه‌، وتی: ئه‌گه‌ر عه‌ره‌بستان لێدوانه‌کان و سیاسه‌ته‌ دژبه‌ره‌کانی به‌رانبه‌ر ئێران ڕابگرێت، تاران ئاماده‌ی دانوستانی دوو قۆڵییه‌. ئێمه‌ له‌ دوای درێژه‌دان به‌ کێشه‌کان له‌گه‌ڵ وڵاتانی دراوسێ نین و دانوستانی باش له‌گه‌ڵ وڵاتانی جیهان ته‌وه‌ری سه‌ره‌کی سیاسه‌تی ده‌ره‌وه‌ی ئێمه‌یه‌؛  ئه‌م بۆچوونه‌ وڵاتانی ته‌نیشت که‌نداوی فارسیش ده‌گرێته‌وه‌.

ئه‌و سه‌باره‌ت به‌ خه‌ڵکی یه‌مه‌ن وتی: عه‌ره‌بستان هه‌ڵه‌یه‌کی گه‌وره‌ی کرد هێرشی کرده‌ سه‌ر یه‌مه‌ن و ئه‌مه‌ش ئێران قبووڵی ناکات. ده‌بێت ئه‌مه‌ش جه‌خت بکه‌مه‌وه‌ که‌ ئێران له‌ یه‌مه‌ن ده‌ستێوردانی سه‌ربازی نه‌کردووه‌.

ئه‌و له‌ به‌شێکی دیکه‌ی گفتوگۆکه‌یدا سه‌باره‌ت به‌ دۆخی سووریا، وتی: دۆخی سووریا زۆر ئاڵۆزه‌، ئێران له‌ هه‌مان سه‌ره‌تاوه‌ بۆچوونێکی ڕوونی هه‌بووه‌؛ ده‌بێت چاره‌نووسی سوورییه‌کان به‌ ده‌ستی خۆیان دیاری بکرێت. ئه‌کته‌ره‌کانی قه‌یرانی سووریا یه‌کجار زۆرن و ته‌نیا یه‌ک وڵات نییه‌. له‌م نێوانه‌دا په‌یوه‌ندییه‌کانی تاران و مسکۆش گرنگی خۆی هه‌یه‌.

به‌هرام قاسمی سه‌باره‌ت به‌ هێرشه‌ تیرۆریستییه‌که‌ی ئه‌م دواییه‌ له‌ سنووری پاکستان وتی: ئێران له‌ ڕێگه‌ی پێویسته‌وه‌ به‌دوادا چوون بۆ ڕووداوه‌که‌ی میرجاوه‌ ده‌کات و ئه‌گه‌ر پاکستان هاوکاری تاران نه‌کات، ئێران ناچار ده‌بێت تاکوو ڕێگه‌ی پێویست بگرێته‌ به‌ر.

News Code 10017

نیشانەکان

بۆچوونی ئێوە

You are replying to: .
  • 1 + 1 =