بە ڕاپۆرتی ئاژانسی هەواڵی مێهر، بەڕێوەبەرایەتی خۆسەر بە بڵاو کردنەوەی بەیاننامەیەک جەختی کرد کە پڕۆژەکەی عەبدوڵڵا ئۆجالان نەک هەر ڕێگاچارەیەک بۆ پرسی کوردەکان، بەڵکوو نەخشەڕێگایەکە بۆ ڕەهایی خەڵکی ناوچەکە لە میراتی سەرکوت و توندئاژۆیی ئێتنیکی و مەزەبی؛ پڕۆژەیەک کە بنەمایەکی تایبەت بۆ کاریگەری بەرچاو لەسەر دۆخی سووریا بە گشتی و کوردستانی سووریا بەتایبەتی دێتە ئەژمار.
لە بەیاننامەکەی بەڕێوەبەرایەتی خۆسەردا هاتووە: لە ئەو ڕەوتە چارەنووس سازە کە خەڵکی ڕۆژهەڵات بەسەریدا تێدەپەڕێن و لە جەرگەی ئاژاوەکان کە بەهۆی سیاسەتی نکۆڵی، دوور کردنەوە و دەمارگرژی نەتەوەیی و ئایینی دروست بوون، ئێمە وەکوو بەڕێوەبەرایەتی خۆسەر جەخت دەکەین کە پڕۆژەکەی عەبدوڵڵا ئۆجالان بۆ چارەسەری کێشەکانی ڕۆژهەڵاتی ناڤین، ڕێگاچارەیەکی بنەڕەتی لەسەر بنەمای ئاشتی، دیمۆکراسی و دادپەروەریە.
لە درێژەی بەیاننامەکەدا هاتووە: ئۆجالان بەرچاوگەیەکی گشتی بۆ کۆتایی هێنان بە پێکدادانگەلێک کە چەندین دەیەیە لە ڕۆژهەڵاتی ناڤین لە ئارادایە، لە ڕێگای گەلێکی دیمۆکراتیک، برایەتی خەڵک، ئازادی ژنان و پارێزەری لە ژینگە پێشکەش دەکات. ئەو پڕۆژە نەک هەر بۆ چارەسەری پرسی کورد، بەڵکوو نەخشەڕێگایەکە بۆ ڕەهایی خەڵکی ناوچەکە لە میراتی ستەم و توندوتیژی نەتەوەیی و ئایینی.
Your Comment