بە ڕاپۆرتی ئاژانسی هەواڵی مێهر، پەیامنێری تۆڕی ئەلمەیادین کە بۆ مەسقەت نێردراوە، ڕایگەیاندووە کە سێهەمین خولی دانوستانی ناڕاستەوخۆی نێوان ئێران و ئەمریکا تا ٢ کاتژمێری تر دەست پێ دەکات.
ئاماژەی بەوەشکرد: سەرەتا دانوستانی تەکنیکی لەنێوان هەردوو وڵات دەستیپێکردووە، دواتر دانوستانی سیاسی ئەنجامدەدرێت.
پەیامنێری تۆڕی ئەلمەیادین ڕایگەیاند: خولی سێیەمی دانوستانەکانی ئێران و ئەمریکا بۆ دیاریکردنی ڕەوتی دانوستانەکان زۆر گرنگە.
سەید عەباس عێراقچی وەزیری دەرەوەی ئێران کە بەمەبەستی دانوستانی ناڕاستەوخۆ لەگەڵ ئەمریکا سەفەری بۆ شاری مەسقەتی پایتەختی عومان کردووە، دوو جار لەگەڵ بەدر بوسەیدی هاوتا عومانییەکەی کۆبووەتەوە.
Your Comment