سنە یادی مەحیەدین حەق‌شناس دەکاتەوە

بە ڕاپۆرتی ئاژانسی هەواڵی مێهر، کۆڕەیادی سەد ساڵەی هاتنەدنیای مامۆستا مەحیەدین حەق‌شناس خاوەن مەنزوومەی "شارەکەی سنە" بە بەشداریی لایەنگرانی ئەو هۆنەرە ڕۆژی چوارشەممە 8ی ڕەشەممە لە هۆڵی سینەما بەهمەنی شاری سنە بەڕێوە دەچێت.

مەحیەدین حەق‌شناس(1303-1392) شاعیر و نووسەری ناوداری کوردی سنەیی و خاوەن مەنزوومەی "شارەکەم سنە"یە کە تێیدا هەوڵی داوە بەشێکی زۆری یادەوەری و ئەفسانە و دابونەریتەکانی ئەو شارە لە چوارچێوەی شێعردا تۆمار بکات.