بە ڕاپۆرتی ئاژانسی هەواڵی مێهر، مەسعوود پزشکیان لە کۆنفڕانسی ڕۆژنامەوانی ئەوڕۆی لە لە هۆڵی دانیشتنی سەرۆکانی تاران، لە وەڵامی پرسیاری هەواڵنێری "العهد عراق" سەبارەت بە میکانیزمی پاوەجێی ڕێککەوتنەکانی نێوان دوو وڵات و لەوان ڕێککەوتنی ڕێگەئاسنی شەلمچە-بەسرە، وتی: لە عێراق زۆر سۆزدارانە و بەهەستەوە هەڵسوکەوتیان لەگەڵ کردین و دیتمان کە لەباری فەرهەنگی، ئەخلاقی و باوەڕەوە زۆر لێک دەچین و جیاوازییەکی ئەوتۆمان نییە.
پزشکیان سەبارەت بە سەفەری بۆ هەرێمی کوردستان ڕایگەیاند: لە سەردانی هەرێمدا پێشوازییەکی زۆر باشمان لێ‌کرا. بەتایبەت بەڕێز مەسعوود بارزانی کە هاوکات جگە لەوەی ناومان مەسعوودە، هەر دوو لەدایکبووی شاری مەهابادین و بەو پێیە زۆر باش دەتوانین پێکەوە پێوەندی بگرین. بەڵام ئەمریکا لەولا ئاژاوە دەنێتەوە و تاقمێک پڕ چەک دەکات بۆوەی ببنە مایەی ئاژاوە لەمبەر.
ڕاشیگەیاند: بڕیار وایە ئەوان ئاسایشی ئەولا بپاریزن و ئێمەش ئاسایشی ئێرە و بەوجۆرە پێوەندییەکانمان تۆکمە بکەین و ئابوورییەکی باشمان پێکەوە هەبێت و لە هەموو بوارەکاندا یارمەتیی یەکتری بدەین.
Your Comment