بە ڕاپۆرتی ئاژانسی هەواڵی مێهر، عەلی باقری، وەزیری دەرەوە ئێران بە وەکالەت کە بە سەرۆکایەتی شاندێک بۆ بەشداری لە دوو کۆبوونەوەی ئەنجومەنی ئاسایشی نەتەوەیەکگرتووەکان سەبارەت بە فەلەستین و بابەتی فرەلایەنی و ڕێگری لە تاکلایەنی ئەمریکا، سەفەری نیویۆرک کردووە. جەختی لە ستەمکردن و دڕندەیی زایۆنییەکان کردەوە.
باقری بە ڕۆژنامەنووسانی ڕاگەیاند کە بڕیارە دوو کۆبوونەوەی گرنگ بەڕێوە بچێت چونکە تاکلایەنەی ئەمریکا نەک هەر ناتوانێت ئاشتی و سەقامگیری و ئاسایش لە جیهاندا بێنێتەدی، بەڵکوو ئەمریکا لە گۆڕەپانی نێودەوڵەتیدا بووەتە هۆی بنبەستێک لە پرسە گرنگە نێودەوڵەتییەکان.
وتیشی: نموونەیەکی ڕوونی ئەمەش ئەو تاوانەیە کە زایۆنیستەکان لە غەززە ئەنجامی دەدەن و ئەمریکییەکان بوونەتە بەربەستێکی جیددی بۆ کۆتاییهێنان بە تاوانی زایۆنیستەکان.
Your Comment