بە پێی ڕاپۆرتی ئاژانسی هەواڵی مێهر، وەزارەتی بەرگریی تورکیا ڕایگەیاند: سوپای تورکیا سێ چاکداری پەکەکەی لە ناوچەی ئۆپەراسیۆنی چنگ - قفڵ لە هەرێمی کوردستان کوشتووە و ئۆپەراسیۆنەکانیان درێژەیان دەبێت.
ناوەندی ڕاگەیاندنی هێزەکانی پاراستنی گەل (هەپەگە) کە باڵی سەربازی پەکەکەیە بڵاویکردەوە، لە حەوت ڕۆژی ڕابردوودا هێزەکانیان لە ناوچە سنوورییەکانی هەرێمی کوردستان 10 چالاکییان دژ بە هێزەکانی تورکیا هەبووە، بەو هۆیەوە زیان بە بارەگاکانیان گەیێنراوە.
بەهۆی شەڕ و ئاڵۆزیەکانی تورکیا و پەکەکە، دەیان هاووڵاتی سڤیل لە هەرێمی کوردستان شەهید بوونە و سەدان گوند چوڵکراون.
Your Comment