بە پێی ڕاپۆرتی ئاژانسی هەواڵی مێهر، محەمەد خۆشناو، ڕاوێژکاری سەرۆکی هەرێمی کوردستان لە نووسینێکدا دەڵێت:"ئێستا قسەی سەرزاری خەڵکی هەمووی لەسەر بابەتی مووچەیە، ئەوبابەتە لەو ژیانەی کە ئێستا تێیدا دەژین زۆر بەئازارە، بەئازارە چونکە بژێوی ژیانە. "
دەشڵێت: "ژیانێک لەنێو بێکاری و بەرزی نرخ و بێبازاڕی و گوشاری ئەملاوئەولای ئابووری، هەر باسی خەراپی کوالێتی خۆراک و شتومەک مەکە، ئەگەر ئەو بایەعەی حکوومەتی عێراق نەبا کارەسات ڕوویدەدا".
دەشڵێت :"ئەوە نزیکەی سی ساڵە هەرگیز هەرێمی کوردستان شەپۆلی وا بێزاری و تووڕەیی بەرانبەر حزبەکان و دەسەڵات بەخۆوە نەدیتووە ، خێرا بەشەڕ دێین و هاتوهاوار دەکەین و تاوان لەسەر شتێکی زۆر بچووک ئەنجامدەدەین."
ئەوەشی وتووە کە بەقسەی هەندێک لە پسپۆرانی ئابووری «ئابووری و دراو» وەک ئۆکسجینە کە دەتوانرێت بازاڕ ببوژێنێتەوە و ، جارێکی تر هاوسەنگی و سەقامگیری بگەڕێنێتەوە ، خەریکە ئەو ئۆکسجینە لە هەرێمی کوردستان بۆ هەردوو چینەکە بەرەو کەمی دەچێت ، کەچی لەکن هەندێکان بێخەوشە ، ئەمەیە هۆکاری سەرەکی تووڕەیی و بێزاریی و نەمانی متمانە بە دەسەڵات و حزبەکان .
خەراپترین شت کە نەتەوەیەک یان گەلێک لە گەلان دووچاری دەبن ، بریتیە لە ونبوونی هیوا لە روحی گەنج و لاوانمان ، بەتایبەتی لە دۆخێکی خەراپی ئابووری و بژێوی و بێمتمانەیی و جیاوازی وەک ئێستادا ، کە هەموو شتێکت لەبەرچاو ڕەش دەبێت و هەناسەسارد دەبیت.
هەروەها لە درێژەی بابەتەکەی چەندین بابەتی گرینگ و ڕۆژەڤی هەرێمی کوردستان دەخاتە ڕوو.
ئەم بابەتە لە شارپرێس بە گشتی دانراوە.
Your Comment