بە پێی ڕاپۆرتی ئاژانسی هەواڵی مێهر، بەگوێرەی ڕاپۆرتێکی هاوار، دوای هەڕەشەی هاکان فیدان وەزیری دەرەوەی تورکیا بۆ هێرشکردنە سەر باکوور و ڕۆژهەڵاتی سووریا، لە بەرەبەیانی ڕۆژی پێنجشەممە ٥ی ئۆکتۆبەرەوە فڕۆکە بێفڕۆکەوانەکانی سوپای تورکیا بە بەرفراوانیی ناوچە جیاجیاکانی باکوور و ڕۆژهەڵاتی سووریایان کردە ئامانج. .
گوندی تەل حەبەشی سەر بە ئاموود بە خەستی بۆردومان کرا، بەگوێرەی زانیارییەکان، چەند هاووڵاتییەک کوژران و بریندار بوون.
هەروەها گوندی تەڤەلێ لە شاری تل تەمەریش بە هێرشێکی بەرفراوانی درۆنەکانی سوپای تورک بۆردومان کراوە.
ژمارەی کوژراو و بریندارەکانی کوردستانی سووریا بە هۆی هێرشەکانی تورکیا ڕۆژ لە دوای ڕۆژ زیاد دەکات.
Your Comment