بە پێی راپۆرتی ئاژانسی هەواڵی مێهر، لە دیدارێکی میدیاییدا مەسروربارزانی سەرۆکی حکومەتی ھەرێمی کوردستان زۆر بە ئاشکرا و بێ دوودڵی رایەگەیاند کە ھیچ دەسەڵاتێکی بەسەر بەشێکی ھەرێمەکەیدا نییە.
مەسرور بارزانی رایگەیاندووە کە رێگەم نادرێت لە سلێمانی و ھەڵەبجە ھیچ کارێک بکەم و ناتوانم ئەوەی لە ھەولێر و بادینان دەیکەم لەوێ جێبەجێی بکەم.
لەسەر ئەم ڤیدیۆیە، شارپرێس نووسی: وتەکانی مەسرور بارزانی ئەگەر بە مەبەستی پاکانەش بوبێت بۆ ئەو قسانەی لەسەر کابینەکەی دەکرێت کە خزمەتی بەشێک لە ھەرێمی نەکردوە، لە ھەمان کاتدا خاڵێکی تەواو لاوازی خودی بارزانی و کابینەکەیەتی کە نەیتوانیوە ھەیمەنەی حکومەتەکەی بەسەر تەواوی کوردستاندا بچەسپێنێت.
یەکێتی نیشتمانی کوردستان وەک ھاوبەشی سەرەکی پارتی دیموکراتی کوردستان لە حکومەتی ھەرێمدا، لەماوەی سێ ساڵی رابردوودا زۆرترین قسەی لەبارەی پشتگوێ خستن و پەراوێز خستنی زۆنی سەوز کردوە لەلایەن حکومەتەوەو کار گەشتۆتە ئەوەی بە ئابلوقەی سیاسی و ئابوری و کارگێری پێناسەی بکات و لە دواین بانگەشەی ھەلبژاردنیشدا بەھێزترین کارتی دەستی یەکێتی باسکردن بوو لەو ئابڵوقەیەی کە ئەوان پێیان وابوو پارتی خستویەتیە سەر سلێمانی و ھەلەبجە.
Your Comment