بە ڕاپۆرتی ئاژانسی هەواڵی مێهر، کومیتەی ناوخۆیی ناوچەی جزیرە لە ئیدارەی خۆسەری کوردستانی سووریا ئەمڕۆ ڕایگەیاند : یووسف مەحموود ناسراو بە ڕێزان جاوید لە ئەندامانی باڵای پژاک لە هێرشی ئاسمانی تورکیا بۆ سەر قامیشلۆ کوژراوە.
کەنعان بەرەکەت و حەمرین عەلی، هاوسەرۆکەکانی کومیتەی خۆجەیی جزیرە لە بەیاننامەیەکدا بە زمانی کوردی و عەرەبی ڕایانگەیاند کە لە هێرشی ڕۆژی ڕابردووی فڕۆکە بێ فڕۆکەوانەکانی تورکیا بۆ سەر جادەی حزام لە باکووری قامیشلۆ چوار کەس کوژران و چەند کەس بریندار بوون.
هەروەها سەرچاوەکانی هەواڵ رایانگەیاند لە نێو بریندارەکاندا کە گواسترانەوە بۆ نەخۆشخانە ئەندامێکی پارتی ژیانی ئازادی کوردستان ( پژاک) هەبووە کە بە هۆی توندی برینەکەیەوە گیانی لەدەستداوە.
ڕێزان جاوید لە 28 ی پووشپەڕەوە چووەتە کوردستانی سووریا و فەرماندەیی میحوەرێک لە من بەجی لە ئەستۆ بووە.
Your Comment