بە پێی راپۆرتی ئاژانسی هەواڵی مێهر، ناوەندی ڕاگەیاندن و چاپەمەنیی هەپەگە لە راگەیەندراوێکدا بڵاویکردوەتەوە،" لە چالاکییەکەکانی 24 کاتژمێری رابردوی پەکەکە لە سنوری زاپ و ئاڤا شین 23 سەربازی تورک کوژراون و 10 سەربازیش برینداربون".
رونیشیکردوەتەوە،" هێزەکانیان لەو چالاکییانەدا دەستیان بەسەر 20 کیلۆ تەقەمەنیی، دو لایت و کامێرایەکی سوپای تورکیادا گرتوە".
هەر لە راگەیەندراوەکەی هەپەگەدا هاتوە،" سوپای تورک 13 جار چەکی کیمیایی بەکارهێناوە و سەدان بۆردومانی ئاسمانیی و تۆپبارانی کردوە لەماوەی رابردودا".
ئەمە لەکاتێکدایە لە 17ی مانگی رابردوەوە، وەزارەتی بەرگری تورکیا ئۆپەراسیۆنی کلیل-چنگی لە خاکی هەرێمی کوردستان لە دژی پەکەکە راگەیاندوە، لەگەڵ ئەو سەرکۆنەکردنانەی لەلایەن حکومەتی عێراقەوە ئاراستەی کراوە تا ئێستا ئۆپەراسیۆنەکەی بەردەوامی هەیە.
Your Comment