بە ڕاپۆرتی ئاژانسی هەواڵی مێهر، شارپرێش ڕاپۆرتی دا کە سەرەڕای ئەوەی کە ئەبوا زیاتر لە دوو هەفتەی ڕابردوو، دەوڵەتی ناوەندی عێراق بودجەی 200 ملیار دیناریی بۆ دابینی بودجەی مووچەی فەرمانبەران و مووچەخۆرانی هەرێم بدایەتە حکومەتی هەرێم، بەڵام سەرچاوەیەک لە وەزارەتی دارایی هەرێم ڕایگەیاندووە ئەو بودجە هێشتا نەدراوەتە هەرێم.
ئەو سەرچاوە کە نەیویستووە ناوی ئاشکرا بکرێت پێشتریش ڕایگەیاندبوو بودجەی 200 ملیاری تا ڕۆژی یەکشەممە 21 ی سەرماوەز دەدرێتە هەرێم.
لەلایەکی تریشەوە مێدیاکانی سەر بە یەکێتی نیشتمانی ڕاپۆرتیان داوە کە بە پێی دواکەوتنی دووهەفتەیی پێدانی بودجە، ئەگەری هەیە پێدانەکە بە گشتی ڕابگیردرێت و وادیارە کێشەیەکی سیاسی ڕۆڵی هەبێت لە پێنەدانی بودجە.
ئەم لە حاڵێکدایە کە فارس عیسا نوێنەری هەرێمی کوردستان لە بەغداش جەختی کردبوو کە هیچ کێشەیەک لە بەردەم پیدانی بودجە بوونی نییە و ڕۆژی یەکشەممە 21ی سەماوەز هەرێم بودجەکەی وەردەگرێت.
Your Comment