بە ڕاپۆرتی ئاژانسی هەواڵی مێهر، حسێن ئەمیر عەبدوڵڵاهیان وەزیری دەرەوەی ئێران و جۆزپ بورل لە درێژەی دیدارەکانی ڕۆژی سێشەممە لە پەراوێزی حەفتا و شەشەمین کۆبوونەوەی گشتی نەتەوەیەکگرتووەکان لە نیۆیۆرک دیدار و سەبارەت بە پرسی جیاواز لەوانە ڕێککەوتنی ناڤۆکی و گۆڕانکارییەکانی ئەفغانستان گفتوگۆیان کرد.
ئەمیر عەبدوڵڵاهیان لە ئەو دیدارەدا جەختی کرد: بەداخەوە هەڵسوکەوت و سیاسەتەکانی بایدن تا ئێستا لە پێوەندی لەگەڵ ئێران و ڕێککەوتنی ناڤۆکی ناسازێنەر بووە. بایدن سەرەڕای ئەوەی کە بە قسە ڕەخنەی لە سیاسەتەکانی ترامپ گرتووە بەڵام لە کردەوەدا لە بەرانبەر ئێران هەر ئەو سیاسەتەی بردووەتە پێشەوە.
شیاوی ئاماژەیە کە وەزیری دەرەوەی ئێران هەر دوێنێ لەگەڵ وەزیرانی دەرەوەی ئەڵمانیا و چەندین وڵاتی دیکە دیدار و گفتوگۆی ئەنجام داوە.
Your Comment