بە پێی راپۆرتی ئاژانسی هەواڵی مێهر، ڕێبەری لەم دیدارەدا وتیان: ئەمریکا لە گۆڕەپانی دیپلۆماسیدا گورگێکی دڕندەیە و بە ئاماژە بە دۆخی دڵتەزێنی ئەفغانستان، ڕایگەیاند: کۆماری ئیسلامی ئێران لە هەموو دۆخێکدا لایەنگری گەلی ستەم لێکراو و موسڵمانی ئەفغانستانە و پەیوەندی ئێمە لە گەڵ دەوڵەتەکان، پەیوەندی بە هەڵسوکەوت و پەیوەندی ئەوان لە گەڵ ئێران هەیە.
ڕێبەری ئاماژەیان دا کە دۆخی وڵات دژوارە بەڵام بە هەوڵ و تەقالای ماندوویی نەناسانە و پشت بەستن بە خودا دەبێ بە سەر کێشەکاندا زاڵ ببین.
ئایەتوڵڵا خامنەیی چەندین ڕاسپاردەی بە کابینەی دەوڵەتی نوێی ئێران دا و تیان: دەبێ بەرپرسانی دەوڵەتی لە ناو خەڵکدا بن و ڕاستەوخۆ گوێ بیستی کێشەکانی خەڵک بن .
جەختیشیان کرد کە دەبێ بەرپرسانی دەوڵەتی ژیانی سادەی وەک خەڵکیان ببێت و دەبێ خۆیان ببوێرن لە ژیانی میرانە و باسی کێشەکان و ڕێگاچارەکانی گرفتەکان بۆ خەڵک بکەن و لە گەڵ خەڵکدا ڕوو ڕاست بن و بێ هیوایان نەکەن.
هەروەها داوای لێبوردن لە خەڵک لە کاتی هەڵەکردندا دەبێ شێوازێک لە هەڵسوکەوتی بەرپرسان بێت.
ڕێبەری ئەوەشیان وت کە یەکمایەتی گرینگی وڵات سەرەتا کێشەی ئابوورییە و دواتر دەبێ پرسە فەرهەنگی و میدیایی و زانستییەکان چارەسەر بکرێن ئەگەرچی ئێستا بابەتێکی تەواو بەپەلە و گرینگ هەیە کە ئەویش بریتیە لە پرسی کۆڕۆنا و تەندروستی خەڵک.
Your Comment