بە ڕاپۆرتی ئاژانسی هەواڵی مێهر، سەید نزامەدین مووسەوی وتەبێژی لێژنەی سەرۆکایەتی مەجلیس لە شرۆڤەی وردەکارییەکانی بەڕێوەچوونی ڕێوڕەسمی سوێندخواردنی سەرۆک کۆماری سێزدەیە لە مەجلیس، وتی: ڕێوڕەسمی خوێندنەوەی فەرمانی بەدەسەڵات گەییشتنی ئیبراهیم ڕەئیسی ڕۆژی 12 ی گەلاوێژ بەڕێوە دەچێت.
ناوبراو زیادی کرد: لەلایەن بەڕێز قاڵیبافەوە، لێژنەیەک پێک هێنراوە کە لە ئەو لێژنە کومیتەی جیاواز، کۆبوونەوەی بەربڵاویان بۆ بەڕێوەچوونی بەشکۆی ئەو ڕێوڕەسمە و هەروەها بانگهێشت کردنی میوانان بەڕێوە بردووە.
مووسەوی ڕایگەیاند: ئەو ڕێوڕەسمە ڕۆژی پێنجشەممە 14 ی گەلاوێژ هاوکات لەگەڵ ساڵڕۆژی دەرکرانی مەشرووتیەت بەڕێوە دەچێت.
وتەبێژی لێژنەی سەرۆکایەتی مەجلیس هەروەها لە شرۆڤەی وردەکاریی بانگهێشتی میوانانی بیانی بۆ بەشداری لە ڕێوڕەسمی سوێندخواردنی سەرۆک کۆمار، وتی: 115 بەرپرسی فەرمی لە 73 وڵاتی جیهانەوە بۆ بەشداری لە ئەو ڕێوڕەسمە ئامادەییان ڕاگەیاندووە کە لە نێوانیاندا 10 سەرۆک کۆمار، 20 سەرۆکی مەجلیس، 11 وەزیری دەرەوە و 10 وەزیری دیکە، هەروەها نێردەی تایبەتی سەرۆکی پەرلەمان، سەرۆک و بەرپرسای 11 ڕێکخراو نێودەوڵەتی و ناوچەیی، نوێنەری ئەمیندای گشتی نەتەوەیەکگرتووەکان، سەرۆکی ئۆپێک، سەرۆکی IPU، نوێنەری یەکێتی ئەورووپا، نوێنەری دی 8، نوێنەری سیتا و هەروەها نوێنەر و کەسایەتیی گرینگی ئایینە جیاوازیەکانی جیهان و کەسایەتی فەرهەنگی و کۆمەڵایەتی لە ئەو ڕێوڕەسمە بەشداری دەکەن.
مووسەوی وتیشی: هەروەها بۆ ڕووماڵ کردنی بەربڵاوی ئەو ڕێورەسمە، لە نزیک بە 400 هەواڵنێری ناوخۆیی و دەرەکی کە داوای ڕووماڵی ئەو ڕێوڕەسمەیان کردووە کە بە پێی دۆخی کۆرۆنایی توانیمان بوستێن بۆ بەشداری 170 هەواڵنیری ناوخۆیی و دەرەکیی لە زیاتر لە 30 وڵاتەوە دروست کراوە.
Your Comment