بە ڕاپۆرتی ئاژانسی هەواڵی مێهر، بەهرام نەسروڵڵاهی زادە شەوی شەممە لە کۆنگرەی ڕۆژنامەڤانی ڕایگەیاند: سەقز لانکەی مێژوو، فەرهەنگ و شارستانیەتی کوردستانە و ئەبێ بۆ گەشە و بەرز کردنەوەی پێگەی هەمە لایەنەی ئەو شارە هەوڵ بدرێت.
ناوبراو سەبارەت بە داواکاری بۆ چێ کرانی مۆزەخانەی مێژوویی و خەڵک ناسی لە سەقز و سەرەنج نەدانی میراتی فەرهەنگی بە ئەو باسە، وتی: چێ کردنی مۆزەخانە لە ئەو شارە کارێکی زەروورە بۆ نواندنی مێژوو، فەرهەنگی دەوڵەمەند و دابونەریتی خەڵک و ئەبێ لە ئەو بارەوە هەوڵی جیدی بدرێت.
نەسروڵڵاهی زادە زیادی کرد: ئێمە وەکوو ڕێکخراوی پلاندانانی پارێزگا، بەڵێنی دابین کردنی بودجە و پاڵپشتی لە چێ کردنی مۆزەخانەی سەقز دەدەین، کەواتە ئەگەر بینایەکی مێژوویی لە سەقز هەیە بۆ دامەزراندنی هەوڵی پێویست بدرێت، ئەگەر پێویست بە زەوین یان بینایەکیش هەیە بودجەی پێویستی بۆ تەرخان دەکرێت.
Your Comment